2012.05.13 Day 23 Porkhara -- Sarangkot (1592m), World Peace Stupa (1103m)
Sarangkot 睇日出
2012.05.13 Day 23 Porkhara -- Sarangkot (1592m), World Peace Stupa (1103m)
嘭嘭嘭！
半夜三更，邊個敲門？幾點？吓！四點嗱！唔係較咗鬧鐘三點半咩？點解唔鬧嘅？
咪問咁多，即刻起身，9秒9速度洗面去厠所等。好彩噚晚臨瞓前已執好晒day pack，，幾分鐘落得樓，的士哥哥拍門後就後就落車等我哋。
四點幾，條街重係黑孖孖，只係間中經過正在預備早餐嘅小食肆，泛出昏暗嘅燈光。的士離開大路，駛入登上Sarangkot嘅山路。不時見到落山嘅人，咁早返工？車向山上駛，又不時見到徒步上山嘅人，唔通又係上山睇日出？
愈上愈斜，前面有一群人，由路邊湧出，邊截停我哋架的士。乜嘢人？冇制服，乜都冇，山賊？司機畀咗200盧比，原來係山林保護局收入場費。
車唔可以駛上山頂，就係小路徑前停車，落車後有45分鐘路程上山。司機就原地等我哋。
沿山脊一路上山，山路兩邊都係民居，亦有小旅館、小食肆，及賣紀念品嘅鋪頭仔，上山路嘅左手面正係我哋上嚟嘅湖區，湖已經睇唔到，因為一大片雲海將成個湖區遮住，十分壯觀。
四周本來黑孖孖，亦逐漸光起嚟。東面天底，群峰後面，泛出微微紅光，咦！太陽快出喇，快啲上山！
「Namaste」！路邊小店，靚老闆娘叫停我地，「你吔而家先上山頂，太晏喇，太陽好快出嚟，小店有個天台，睇日出最好，又唔駛行上山頂咁辛苦。」跟佢沿住旋轉樓梯行上天台，站得高，果然望得遠，就單睇日出，呢度係幾好。原來附近唔少嘅房屋，都有類似嘅天台。客人坐喺天台，一面飲咖啡，一面睇日出，又幾寫意者。不過，我哋嘅目的係登頂睇日出。做一半唔做一半，點得？謝過靚老闆娘美意，繼續向頂峰進發。
愈嚟愈光，好在有高峰擋住，太陽冇咁快出，不過都要急步快上。正在行緊大斜路，斜路頂小屋前，有人攞住嗽口盅，口銜牙刷。面對無敵景觀刷牙，真有意思。
上到山頂，果然需要45分鐘，要進入睇日出範圍，當然要付出盧比。向東處邊沿，用水泥起咗三排看台式坐位，遊人安坐看台，就面對Annapurna日出之處。看台右面有高出幾米小山崗，相信係Sarangkot最高點 -- 1592m。山崗上起咗小亭，可以睇到360度全景。因為係淡季，今日俾錢入嚟睇日出嘅遊人，兩隻手數晒。
好彩快手快腳上山，太陽仍末露面，大把時間預備相機。其實，Annapurna唔係一座山，係一連串嘅山嶺。用號碼命名唔同嘅山峰，例如：Annapurna I（8091m），Annapurna II（7937m），Annapurna III（7555m），Annapurna IV（7525m），Annapurna South（7219），Machhapuchre即魚尾峰（6997m），North Annapurna（4190m）。成個山嶺由東向西伸延約50km，就瞓喺Porkhara嘅北面。佢南坡嘅山腳就有好多條著名、熱門嘅行山徑trekking routs，而Annapurna Base Camp（4130m）就喺Porkhara嘅北面廿幾公里。可以想象，行山季節時，Porkhara應該好熱鬧。
冇耐，日出東山，好似珠峰睇日出咁，一出就係光燦燦嘅一個太陽。
當然，經歷咁多阻滯，終於喺Porkhara睇到日出，亦係完成咗一件事。之後，走上觀光亭，然後又四圍影相就係指定動作嘞。逗留一粒鐘左右，沿路落山，各小店亦紛紛開鋪，我懷疑，有幾多人會嚟幫襯，生活艱難。
15分鐘落山，揾番的士哥哥，沿路車返旅館。冲凉洗漱，執番好個樣，再出發，老地方早餐，同醒目仔待應哥哥傾吓尼泊爾政治。佢話，鬥爭源自各不同政黨，對議會點樣分權俾不同族群，出現嚴重分歧。尼泊爾人咁善良，希望佢哋有一個圓滿嘅解決方法，唔駛兵戎相見，生靈塗炭，柯彌陀佛。
食完日日一樣嘅腸仔煎蛋加齋啡，起程行去碼頭，今日要去湖對面。原來冇街渡去，一定要租隻艇自己撑。過咗湖對岸，重要行上山，隻艇點搞？我問呢位哥仔，如果隻艇俾人偷咗，咁點算？佢話，冇人會偷，呢度係尼泊爾唔係印度‧‧‧‧，我鍾意佢嘅民族自豪感。
上艇，得一支槳？哥仔話，一支夠喇。用一支槳係麻煩啲，要兩邊輪住撑。我喎，冇話唔得嘅，俾啲時間，就適應到。隻艇迎風破浪，一支火箭咁標去對岸。洎好快艇，岸邊居然又有小店，坐低飲支可樂，閒話家常、指點江山、品評春秋，一樂也。
由岸邊（656m）行上World Peace Stupa（1103m），即係要爬升450m。係幾好行嘅山路，大部份都有樹蔭。因為天熱加上斜度大，要成粒幾鐘至上到。大汗叠細汗，全身濕晒。Stupa就係佛塔，起喺Phewa湖南岸嘅山上。圓型佛塔建於兩層圓型高台上，東面有石階上落。佛塔嘅四個方向，供奉住四個佛相（four images），俯視眾生。由於地勢較高，四周都可以清楚望到。亦即係話，呢度係上佳嘅觀景台。
塔東面行落少少，有個小小廟宇，由日本和尚興建，牌扁有漢字，個名好熟 -- 妙法寺，大殿上咗鎖，入唔到去。
行到成身汗，附近有間小店，屋頂有個露台，俯瞰成個湖區，牆上用中文寫咗四個大字 -- 最美景色。外國人寫中文，字形比例古怪，不過，又幾有藝術創新。坐低，一路飲可樂，一路欣賞湖光山色，寫意！
落山，又話午飯時間，再去竹棚餐廳，嘆個悠閒嘅午餐，就鍾意呢種不羈嘅氣氛。天口熱，呢餐飯又飲咗兩支百事。
前兩日都罷工，今日係喺Porkhara最後一日，即係最後血拼機會。飯後沿湖邊大街逐間鋪頭睇。尼泊爾好興賣一種披肩，聲稱係用高山羊（mountain goat）嘅毛（pashmina）製成。淡季，條街又冇乜人，所有鋪頭都拍緊烏蠅。你一停低，即刻有人出嚟向你落咀頭，就要氹你入去。我哋食飯前已睇定一間賣披肩嘅鋪頭，而家番轉頭再揾佢買披肩，井少係專家，佢話OK，我就買。一輪來回殺價，終於買佢十幾條。井少又買十幾條，喺淡市有咁嘅交易量，都算唔錯嘞。我亦破天荒，居然有手信帶番屋企。咁，皆大歡喜喇。
又係蘭花飯店嘅晚飯。
本來諗住搭巴士返加德滿都，試過巴士攔截事件，有心理陰影。請旅館老闆幫手，訂咗明日11點半飛加德滿都嘅航班，二來，又可以多咗個晏晝玩。
返旅館找埋條房數，順手叫老闆幫我哋訂架的士，明日10點去機場，老闆話no，原來明日又罷工，9點至11點，只罷三粒鐘。又會咁啱嘅？唔好呻喇，凡事向好處睇。不如咁諗：好彩今日冇罷工，先至睇到日出，同理買到披肩。
機場唔係太遠啫，行路都得！咁諗，開心晒！
早抖啦，明天做挑夫，孭埋家當，行路去機場。
Sarangkot 睇日出
2012.05.13 Day 23 Porkhara -- Sarangkot (1592m), World Peace Stupa (1103m)
嘭嘭嘭！
半夜三更，邊個敲門？幾點？吓！四點嗱！唔係較咗鬧鐘三點半咩？點解唔鬧嘅？
咪問咁多，即刻起身，9秒9速度洗面去厠所等。好彩噚晚臨瞓前已執好晒day pack，，幾分鐘落得樓，的士哥哥拍門後就後就落車等我哋。
四點幾，條街重係黑孖孖，只係間中經過正在預備早餐嘅小食肆，泛出昏暗嘅燈光。的士離開大路，駛入登上Sarangkot嘅山路。不時見到落山嘅人，咁早返工？車向山上駛，又不時見到徒步上山嘅人，唔通又係上山睇日出？
愈上愈斜，前面有一群人，由路邊湧出，邊截停我哋架的士。乜嘢人？冇制服，乜都冇，山賊？司機畀咗200盧比，原來係山林保護局收入場費。
車唔可以駛上山頂，就係小路徑前停車，落車後有45分鐘路程上山。司機就原地等我哋。
沿山脊一路上山，山路兩邊都係民居，亦有小旅館、小食肆，及賣紀念品嘅鋪頭仔，上山路嘅左手面正係我哋上嚟嘅湖區，湖已經睇唔到，因為一大片雲海將成個湖區遮住，十分壯觀。
四周本來黑孖孖，亦逐漸光起嚟。東面天底，群峰後面，泛出微微紅光，咦！太陽快出喇，快啲上山！
「Namaste」！路邊小店，靚老闆娘叫停我地，「你吔而家先上山頂，太晏喇，太陽好快出嚟，小店有個天台，睇日出最好，又唔駛行上山頂咁辛苦。」跟佢沿住旋轉樓梯行上天台，站得高，果然望得遠，就單睇日出，呢度係幾好。原來附近唔少嘅房屋，都有類似嘅天台。客人坐喺天台，一面飲咖啡，一面睇日出，又幾寫意者。不過，我哋嘅目的係登頂睇日出。做一半唔做一半，點得？謝過靚老闆娘美意，繼續向頂峰進發。
愈嚟愈光，好在有高峰擋住，太陽冇咁快出，不過都要急步快上。正在行緊大斜路，斜路頂小屋前，有人攞住嗽口盅，口銜牙刷。面對無敵景觀刷牙，真有意思。
上到山頂，果然需要45分鐘，要進入睇日出範圍，當然要付出盧比。向東處邊沿，用水泥起咗三排看台式坐位，遊人安坐看台，就面對Annapurna日出之處。看台右面有高出幾米小山崗，相信係Sarangkot最高點 -- 1592m。山崗上起咗小亭，可以睇到360度全景。因為係淡季，今日俾錢入嚟睇日出嘅遊人，兩隻手數晒。
好彩快手快腳上山，太陽仍末露面，大把時間預備相機。其實，Annapurna唔係一座山，係一連串嘅山嶺。用號碼命名唔同嘅山峰，例如：Annapurna I（8091m），Annapurna II（7937m），Annapurna III（7555m），Annapurna IV（7525m），Annapurna South（7219），Machhapuchre即魚尾峰（6997m），North Annapurna（4190m）。成個山嶺由東向西伸延約50km，就瞓喺Porkhara嘅北面。佢南坡嘅山腳就有好多條著名、熱門嘅行山徑trekking routs，而Annapurna Base Camp（4130m）就喺Porkhara嘅北面廿幾公里。可以想象，行山季節時，Porkhara應該好熱鬧。
冇耐，日出東山，好似珠峰睇日出咁，一出就係光燦燦嘅一個太陽。
當然，經歷咁多阻滯，終於喺Porkhara睇到日出，亦係完成咗一件事。之後，走上觀光亭，然後又四圍影相就係指定動作嘞。逗留一粒鐘左右，沿路落山，各小店亦紛紛開鋪，我懷疑，有幾多人會嚟幫襯，生活艱難。
15分鐘落山，揾番的士哥哥，沿路車返旅館。冲凉洗漱，執番好個樣，再出發，老地方早餐，同醒目仔待應哥哥傾吓尼泊爾政治。佢話，鬥爭源自各不同政黨，對議會點樣分權俾不同族群，出現嚴重分歧。尼泊爾人咁善良，希望佢哋有一個圓滿嘅解決方法，唔駛兵戎相見，生靈塗炭，柯彌陀佛。
食完日日一樣嘅腸仔煎蛋加齋啡，起程行去碼頭，今日要去湖對面。原來冇街渡去，一定要租隻艇自己撑。過咗湖對岸，重要行上山，隻艇點搞？我問呢位哥仔，如果隻艇俾人偷咗，咁點算？佢話，冇人會偷，呢度係尼泊爾唔係印度‧‧‧‧，我鍾意佢嘅民族自豪感。
上艇，得一支槳？哥仔話，一支夠喇。用一支槳係麻煩啲，要兩邊輪住撑。我喎，冇話唔得嘅，俾啲時間，就適應到。隻艇迎風破浪，一支火箭咁標去對岸。洎好快艇，岸邊居然又有小店，坐低飲支可樂，閒話家常、指點江山、品評春秋，一樂也。
由岸邊（656m）行上World Peace Stupa（1103m），即係要爬升450m。係幾好行嘅山路，大部份都有樹蔭。因為天熱加上斜度大，要成粒幾鐘至上到。大汗叠細汗，全身濕晒。Stupa就係佛塔，起喺Phewa湖南岸嘅山上。圓型佛塔建於兩層圓型高台上，東面有石階上落。佛塔嘅四個方向，供奉住四個佛相（four images），俯視眾生。由於地勢較高，四周都可以清楚望到。亦即係話，呢度係上佳嘅觀景台。
塔東面行落少少，有個小小廟宇，由日本和尚興建，牌扁有漢字，個名好熟 -- 妙法寺，大殿上咗鎖，入唔到去。
行到成身汗，附近有間小店，屋頂有個露台，俯瞰成個湖區，牆上用中文寫咗四個大字 -- 最美景色。外國人寫中文，字形比例古怪，不過，又幾有藝術創新。坐低，一路飲可樂，一路欣賞湖光山色，寫意！
落山，又話午飯時間，再去竹棚餐廳，嘆個悠閒嘅午餐，就鍾意呢種不羈嘅氣氛。天口熱，呢餐飯又飲咗兩支百事。
前兩日都罷工，今日係喺Porkhara最後一日，即係最後血拼機會。飯後沿湖邊大街逐間鋪頭睇。尼泊爾好興賣一種披肩，聲稱係用高山羊（mountain goat）嘅毛（pashmina）製成。淡季，條街又冇乜人，所有鋪頭都拍緊烏蠅。你一停低，即刻有人出嚟向你落咀頭，就要氹你入去。我哋食飯前已睇定一間賣披肩嘅鋪頭，而家番轉頭再揾佢買披肩，井少係專家，佢話OK，我就買。一輪來回殺價，終於買佢十幾條。井少又買十幾條，喺淡市有咁嘅交易量，都算唔錯嘞。我亦破天荒，居然有手信帶番屋企。咁，皆大歡喜喇。
又係蘭花飯店嘅晚飯。
本來諗住搭巴士返加德滿都，試過巴士攔截事件，有心理陰影。請旅館老闆幫手，訂咗明日11點半飛加德滿都嘅航班，二來，又可以多咗個晏晝玩。
返旅館找埋條房數，順手叫老闆幫我哋訂架的士，明日10點去機場，老闆話no，原來明日又罷工，9點至11點，只罷三粒鐘。又會咁啱嘅？唔好呻喇，凡事向好處睇。不如咁諗：好彩今日冇罷工，先至睇到日出，同理買到披肩。
機場唔係太遠啫，行路都得！咁諗，開心晒！
早抖啦，明天做挑夫，孭埋家當，行路去機場。
No comments:
Post a Comment