Turkey and Balkans Trip (9)
2015.05.24 Gallipoli 一整日戰場遊蹤
呢間酒店餐廳喺頂樓，一邊食餐一邊隔住 Bospherous 海峽，遠眺 Asia minor，賞心悅目之極。房租包埋自助早餐，係個唔錯嘅早餐，認真低住。
八點前，已經走落樓下大堂。導遊 Mehmet 醒目靚仔，好好英文，集晒全圑人後，準時出發。你估全團係幾多人呢？計埋我，三個人，一對由紐西蘭嚟嘅夫婦。人少少，使乜旅遊車？跳上架韓國現代車仔，出發嘞。
多數所謂加里波利戰場一日遊，真係要六點幾由伊斯坦堡出發，下午遊完，又真係十一點幾至返到伊斯坦堡嘅酒店，不過有成十個鐘，係交通時間，來回伊斯坦堡，仲有食飯時間，真正參觀時間，只得一個下午。
車仔先向北行，轉轉折折，又兜小路，去到一個觀景台。原來呢度係半島嘅中間，亦係附近最高位置，加上呢個起高咗嘅平台，成個半島嘅狀況，都一目了然。原來當年， 土耳其 Mutafa 將軍，真係將呢度變成指揮中心，遠程大炮嘅炮台亦設喺附近，守護住成個半島。
八日前，我喺呢度，聽咗一個加里波利故事。今日重遊舊地，估唔到，故事有另一個版本。
土耳其烏啄啄，企咗埋德國嗰邊之後，英法海軍就想 由 Dardanelles 海峽，進入 Bospherous 海峽，再攻入伊斯坦堡，打開黑海之門。呢個行動叫做 Dardanelles Campaign ，點知畀兩岸炮台，同埋海峽水雷陣，炸沉咗幾隻英、法軍艦。
當日，指揮呢個行動嘅人，就係領導英國打勝第二次大戰，鼎鼎大名嘅丘吉爾。不過，第一次世界大戰時，佢係英國海軍上將。Dardanelles Campaign 陷入僵局，佢唔死心，海路唔得就用陸路，如意算盤係派兵由加里波里南面愛琴海岸進入，再攻上伊斯坦堡，因此亦稱為 Gallipoli Campaign 。最後，聯軍無功而還，無無聊聊打咗八個月，雙方死咗十幾萬人，當然亳無懷疑，呢個係一個失敗嘅行動。
但係「失敗」都可以有唔同解讀方式，今日，第二次踏足此地，好好彩，畀咗我一個全新角度去睇呢個戰伇。
聯軍呢邊，佢哋認為之所以失敗，係因為戰略、指揮嘅失誤。否則，我地人強馬壯，點會打輸？尤其無端端畀人拉咗落水嘅澳紐，當時澳紐軍團都喺英國旗之下，指揮官係英國將軍 Ian Hamilton 。梗係佢犯好多錯誤，令澳紐集團受咁多苦！究竟咁嘅評論又啱唔啱呢？
好嘞，而家一一解拆。加里波利咁長海岸線，土耳其人根本唔夠人守。所以，當然會估計聯軍登陸地點，但更重要係將大量預備軍隊放喺半島嘅中間，高台呢度係指揮中心，見到邊度有敵軍登陸，即刻會用遠程大炮攻擊，再派軍去攔截。呢個就係 Mutafa 將軍嘅防守策略。
袋鼠佬最大迷思，就係登陸地點錯誤，引至登陸時重大傷亡。呢種講法，流傳甚廣，我都以為係咁，以前，當我寫到呢段歷史，我都會咁講。好嘞，而家 Mehmet 逐一解釋：
其一：登陸地點錯誤？
根據文獻，Tarihi Milli 公園，嗰度又平坦，又廣闊，多數袋鼠佬都認為呢度登陸就啱。原來英軍真係有諗過喺呢度登陸，不過，當時已經有皇家空軍偵察機，探子回報，知道土耳其軍嘅駐紮地方，最重要係 Tarihi Milli 呢度，就喺大炮射程之內。假使大量軍隊喺呢度登陸，冇遮冇掩，炮彈爆起嚟，碎片橫飛，一定造成重大傷亡。所以將登陸改喺而家嘅ANAZC coast 南些少，就因為登陸後有山崖阻隔，大炮根本發揮唔到威力。雖烈最後登陸地點北咗少少，但亦喺預計之中。所以「登陸錯誤」之說，並不成立。
有冇證據呢？原來呢個作戰改變，係有文件記載，檔案人人可以查閲，Mehmet 攞出原稿影印本。冇得抝嘞。
其二：登陸後，遇狙擊，傷亡慘重？
其實，當時呢一帶嘅土耳其軍只得 160 人，連機關槍都冇枝，再唔講登陸前，英艦已經將登陸點炸到七葷八素。第一日澳紐軍團登陸人數係二萬人。160：20,000！咁係乜嘢概念？可以講，第一日登陸，澳紐軍團如入無人之境，傷亡亦少。據記載，登陸第一日，係澳紐軍團進軍得最入嘅一日。記得 Mutafa 嘅防守策略嗎？當確知聯軍登陸地點後，佢至會即刻由半島中部派兵欄截，所以雙方真正接觸，係喺登陸後好一段時間。
有冇證據呢？Mehmet 攞出好多相，顯示登陸後，澳紐軍團嘅輕鬆他條情況，仲可以即刻搭建起前綫醫院嘅帳蓬。
其三：英軍畀晒豬頭骨澳紐軍團啃？
英軍唔似法國佬，法國佬就搵晒殖民地嘅人組成軍隊去打生打死，法國佬真識嘆。英國佬就真係用自己嘅子弟兵去打，當然有部份英聯邦成員，最出名嘅梗係啱啱成立聯邦嘅澳紐軍團。袋鼠佬講起加里波里就梗係講登陸、㠙溝、 Lone Pine 四日激戰。其實英軍喺半島南端同較北嘅Suvla 海灣登陸，之後都係激戰連場。打咗八個月，不如埋單，睇下點。英國陣亡：34,027，傷亡共十二萬人？澳洲陣亡：8,709，傷亡共二萬八千。紐西蘭陣亡 2,721，傷亡共七千四百。
靚仔 Mehmet 話，好聽嘅故事唔一定真，真嘅故事唔一定啱聽。而家係資訊爆炸年代，我哋唔係生活喺極權國家，唔使翻牆，可以上面書，可以谷哥。勤力少少，就唔會畀人呃。
其實絕對要承認，土耳其軍勇敢守護領土嘅心，係佢哋打勝仗嘅關鍵。又計吓數，成個戰伇，聯軍陣亡五萬六，傷亡共計十八萬。土耳其陣亡又係五萬六，傷亡十七萬。其實就係一個博一個。當然，一九一五年，好彩仲未有用坦克，人海戰術仲行得通，所以土耳其軍就守得住。
第一次世界大戰後，加里波利之戰，令澳、紐建立起清晰嘅國民身份，而土耳其亦因為鄂圖曼帝國崩潰而建立起議會制度全新土耳其共和國。總結歷史經驗，順住世界潮流，壞事可以變好。
我哋喺半島嘅南邊，兜咗幾個英軍嘅墓園。韓國車仔再帶我地嚟 Canakkale Destani Tanitim Merkezi，係一個介紹加里波利戰伇嘅展覽館，透過約十組嘅電影，講述戰役嘅前因後果，每個放映館都有唔同設計去配合電影主題。例如講到海戰，觀眾席就造到好似坐喺戰艦，大炮打埋嚟時，又有光影配合，加埋座位都會郁郁貢，非常4D效果。
電影尾聲講述現代土耳其已經放下仇恨，走入世界大家庭。第一任總統、土耳其國父 Mutafa Ataturk ，喺建立英聯邦公墓時發言，提到：
"Those heroes that shed their blood and lost their lives…
You are now lying in the soil of a friendly country. Therefore rest in peace. There is no difference between the Johnnies and the Mehmets to us where they lie side by side here in this country of ours…
You, the mothers, who sent their sons from faraway countries wipe away your tears; your sons are now lying in our bosom and are in peace, after having lost their lives on this land they have become our sons as well."
Gallipoli - Memorial at Anzac Cove
Ataturk, 1934
呢段說話刻咗喺一塊大石碑，矗立喺 ANZAC Cove 嘅 Ari Burnu Cemetery 路邊入口處，好感動！
上午活動完畢，返回酒店食個午餐，然後換架大車。下午嘅活動就係澳紐公墓，雖然係第二次嚟，但講解角度完全唔同，真係有全新感受。
本來仲驚往第二次嚟，會唔會好悶？而家，我會話，好彩可以再嚟，呢一日，畀咗我全新角度去睇呢件事。
六點幾參觀完畢，車返酒店，班友要搭車返伊斯坦堡，我就喺度往多一晚先。冲個靚涼，喺酒店食個晚餐，咁又一日。
Canakkale Destani Tanitim Merkezi 加里波利戰伇嘅展覽館
呢間酒店餐廳喺頂樓，一邊食餐一邊隔住 Bospherous 海峽，遠眺 Asia minor，賞心悅目之極。房租包埋自助早餐，係個唔錯嘅早餐，認真低住。
八點前，已經走落樓下大堂。導遊 Mehmet 醒目靚仔，好好英文，集晒全圑人後，準時出發。你估全團係幾多人呢？計埋我，三個人，一對由紐西蘭嚟嘅夫婦。人少少，使乜旅遊車？跳上架韓國現代車仔，出發嘞。
多數所謂加里波利戰場一日遊，真係要六點幾由伊斯坦堡出發，下午遊完，又真係十一點幾至返到伊斯坦堡嘅酒店，不過有成十個鐘，係交通時間，來回伊斯坦堡，仲有食飯時間，真正參觀時間，只得一個下午。
車仔先向北行，轉轉折折，又兜小路，去到一個觀景台。原來呢度係半島嘅中間，亦係附近最高位置，加上呢個起高咗嘅平台，成個半島嘅狀況，都一目了然。原來當年， 土耳其 Mutafa 將軍，真係將呢度變成指揮中心，遠程大炮嘅炮台亦設喺附近，守護住成個半島。
八日前，我喺呢度，聽咗一個加里波利故事。今日重遊舊地，估唔到，故事有另一個版本。
土耳其烏啄啄，企咗埋德國嗰邊之後，英法海軍就想 由 Dardanelles 海峽，進入 Bospherous 海峽，再攻入伊斯坦堡，打開黑海之門。呢個行動叫做 Dardanelles Campaign ，點知畀兩岸炮台，同埋海峽水雷陣，炸沉咗幾隻英、法軍艦。
當日，指揮呢個行動嘅人，就係領導英國打勝第二次大戰，鼎鼎大名嘅丘吉爾。不過，第一次世界大戰時，佢係英國海軍上將。Dardanelles Campaign 陷入僵局，佢唔死心，海路唔得就用陸路，如意算盤係派兵由加里波里南面愛琴海岸進入，再攻上伊斯坦堡，因此亦稱為 Gallipoli Campaign 。最後，聯軍無功而還，無無聊聊打咗八個月，雙方死咗十幾萬人，當然亳無懷疑，呢個係一個失敗嘅行動。
但係「失敗」都可以有唔同解讀方式，今日，第二次踏足此地，好好彩，畀咗我一個全新角度去睇呢個戰伇。
聯軍呢邊，佢哋認為之所以失敗，係因為戰略、指揮嘅失誤。否則，我地人強馬壯，點會打輸？尤其無端端畀人拉咗落水嘅澳紐，當時澳紐軍團都喺英國旗之下，指揮官係英國將軍 Ian Hamilton 。梗係佢犯好多錯誤，令澳紐集團受咁多苦！究竟咁嘅評論又啱唔啱呢？
好嘞，而家一一解拆。加里波利咁長海岸線，土耳其人根本唔夠人守。所以，當然會估計聯軍登陸地點，但更重要係將大量預備軍隊放喺半島嘅中間，高台呢度係指揮中心，見到邊度有敵軍登陸，即刻會用遠程大炮攻擊，再派軍去攔截。呢個就係 Mutafa 將軍嘅防守策略。
袋鼠佬最大迷思，就係登陸地點錯誤，引至登陸時重大傷亡。呢種講法，流傳甚廣，我都以為係咁，以前，當我寫到呢段歷史，我都會咁講。好嘞，而家 Mehmet 逐一解釋：
其一：登陸地點錯誤？
根據文獻，Tarihi Milli 公園，嗰度又平坦，又廣闊，多數袋鼠佬都認為呢度登陸就啱。原來英軍真係有諗過喺呢度登陸，不過，當時已經有皇家空軍偵察機，探子回報，知道土耳其軍嘅駐紮地方，最重要係 Tarihi Milli 呢度，就喺大炮射程之內。假使大量軍隊喺呢度登陸，冇遮冇掩，炮彈爆起嚟，碎片橫飛，一定造成重大傷亡。所以將登陸改喺而家嘅ANAZC coast 南些少，就因為登陸後有山崖阻隔，大炮根本發揮唔到威力。雖烈最後登陸地點北咗少少，但亦喺預計之中。所以「登陸錯誤」之說，並不成立。
有冇證據呢？原來呢個作戰改變，係有文件記載，檔案人人可以查閲，Mehmet 攞出原稿影印本。冇得抝嘞。
其二：登陸後，遇狙擊，傷亡慘重？
其實，當時呢一帶嘅土耳其軍只得 160 人，連機關槍都冇枝，再唔講登陸前，英艦已經將登陸點炸到七葷八素。第一日澳紐軍團登陸人數係二萬人。160：20,000！咁係乜嘢概念？可以講，第一日登陸，澳紐軍團如入無人之境，傷亡亦少。據記載，登陸第一日，係澳紐軍團進軍得最入嘅一日。記得 Mutafa 嘅防守策略嗎？當確知聯軍登陸地點後，佢至會即刻由半島中部派兵欄截，所以雙方真正接觸，係喺登陸後好一段時間。
有冇證據呢？Mehmet 攞出好多相，顯示登陸後，澳紐軍團嘅輕鬆他條情況，仲可以即刻搭建起前綫醫院嘅帳蓬。
其三：英軍畀晒豬頭骨澳紐軍團啃？
英軍唔似法國佬，法國佬就搵晒殖民地嘅人組成軍隊去打生打死，法國佬真識嘆。英國佬就真係用自己嘅子弟兵去打，當然有部份英聯邦成員，最出名嘅梗係啱啱成立聯邦嘅澳紐軍團。袋鼠佬講起加里波里就梗係講登陸、㠙溝、 Lone Pine 四日激戰。其實英軍喺半島南端同較北嘅Suvla 海灣登陸，之後都係激戰連場。打咗八個月，不如埋單，睇下點。英國陣亡：34,027，傷亡共十二萬人？澳洲陣亡：8,709，傷亡共二萬八千。紐西蘭陣亡 2,721，傷亡共七千四百。
靚仔 Mehmet 話，好聽嘅故事唔一定真，真嘅故事唔一定啱聽。而家係資訊爆炸年代，我哋唔係生活喺極權國家，唔使翻牆，可以上面書，可以谷哥。勤力少少，就唔會畀人呃。
其實絕對要承認，土耳其軍勇敢守護領土嘅心，係佢哋打勝仗嘅關鍵。又計吓數，成個戰伇，聯軍陣亡五萬六，傷亡共計十八萬。土耳其陣亡又係五萬六，傷亡十七萬。其實就係一個博一個。當然，一九一五年，好彩仲未有用坦克，人海戰術仲行得通，所以土耳其軍就守得住。
第一次世界大戰後，加里波利之戰，令澳、紐建立起清晰嘅國民身份，而土耳其亦因為鄂圖曼帝國崩潰而建立起議會制度全新土耳其共和國。總結歷史經驗，順住世界潮流，壞事可以變好。
我哋喺半島嘅南邊，兜咗幾個英軍嘅墓園。韓國車仔再帶我地嚟 Canakkale Destani Tanitim Merkezi，係一個介紹加里波利戰伇嘅展覽館，透過約十組嘅電影，講述戰役嘅前因後果，每個放映館都有唔同設計去配合電影主題。例如講到海戰，觀眾席就造到好似坐喺戰艦，大炮打埋嚟時，又有光影配合，加埋座位都會郁郁貢，非常4D效果。
電影尾聲講述現代土耳其已經放下仇恨，走入世界大家庭。第一任總統、土耳其國父 Mutafa Ataturk ，喺建立英聯邦公墓時發言，提到：
"Those heroes that shed their blood and lost their lives…
You are now lying in the soil of a friendly country. Therefore rest in peace. There is no difference between the Johnnies and the Mehmets to us where they lie side by side here in this country of ours…
You, the mothers, who sent their sons from faraway countries wipe away your tears; your sons are now lying in our bosom and are in peace, after having lost their lives on this land they have become our sons as well."
Gallipoli - Memorial at Anzac Cove
Ataturk, 1934
呢段說話刻咗喺一塊大石碑，矗立喺 ANZAC Cove 嘅 Ari Burnu Cemetery 路邊入口處，好感動！
上午活動完畢，返回酒店食個午餐，然後換架大車。下午嘅活動就係澳紐公墓，雖然係第二次嚟，但講解角度完全唔同，真係有全新感受。
本來仲驚往第二次嚟，會唔會好悶？而家，我會話，好彩可以再嚟，呢一日，畀咗我全新角度去睇呢件事。
六點幾參觀完畢，車返酒店，班友要搭車返伊斯坦堡，我就喺度往多一晚先。冲個靚涼，喺酒店食個晚餐，咁又一日。
嚤囉
No comments:
Post a Comment