Turkey and Balkans Trip (18)
2015.06.02 Korcula 長命勁斜，to Vis island
我哋香港人，習慣上，覺得茶應該同水一樣，係免費嘅。茶餐廳係咁，有時就算茶樓，都借尐意，免茶介，以廣招倈。要畀錢飲杯茶，硬係覺得唔扺。但係，我去旅行嘅經驗，就係絕大多數地方，茶同咖啡冇乜分別，就算只係茶包加滾水，都要收錢。所以我必定帶埋個半公升嘅暖水壺仔去旅行。朝早放三四個茶包入去，早餐冲咖啡時，順手冲埋暖水壼。慳尐飲，呢壺茶，就可以陪住我成日。
早餐鐘聲響過，豆先生拎咗一壺滾水，各人自冲咖啡之餘，見我仲可以冲埋茶，帶住四圍飲，都羨慕不已。「不過，你學唔到喎，」我好得戚，眨眨眼，一邊指住水壺仔咁講，「see， I'm well prepared 。」我嘅誇張演技，梗係引得閧堂大笑喇。呢尐團，大家萍水相逢，十日八日貨仔，要日子過得開心，識得講笑好緊要。幾年經驗，我認為我，優為之喇。
早餐後，領隊介紹行程。注意嘞，今日係最甘嘅一日，雖然都係五十幾公里路程啫，不過，開始時，要上一段18 度嘅斜路，大家要有落地推車嘅心理準備。今日路程較長，所以會喺外面午餐，廚房已經預備咗三文治，上岸時，一人一份，同時攞足夠嘅水，擺落 車尾袋。個個執好裝備，隨時出發。
靚女領隊跳上單車，一馬當先。我哋六件亦不怠慢，亦步亦趨，跟住靚領隊。先踩一段市集小路，離開 Korcula ，正當我哋沿住海邊踩，望向海灣，浪漫號亦正在駛離 Korcula。我哋繼續再踩約五公里，就見到上山路口。呵，路口已經咁斜，就算落咗單車腳架，單車都企唔穩！大家先喺路口集合，領隊指示，呢段斜路，途中唔再集合，斜路頂再見。
記得三年前喺中美踩單車，嗰度尐斜路勁好多，當時領隊德國佬 Martin Muller （我仲記得佢個名！）同我講：「上斜路就係意志，你話得，就得！」絕對係廢話，係咪？不過，原來真係 works！
我根本唔會考慮使唔使推車，跳上車就踩。呢條車路係一條之字形山路，路況唔錯，不過都幾窄，如果有兩架車對頭，就要好小心。好彩車流都好疏落，全程只係遇過幾架車，其實非常安全。我一路踩上斜，有時人過我，有時我過人。遇到前面有人推車，就會喺佢旁邊爬頭，過後，就會泛起點點傲氣。你咪話，呢尐就係搏老命踩上斜嘅動力。我仲有一個好乞人憎嘅習慣，就係锺意一路踩車，一路唱歌。其實，呢個係我嘅呼吸方法。唔知點解，我嘅呼吸聲好重，與其 he he hei hei 抖大氣，不如將抖氣聲化成歌聲，咁樣，我會舒服尐。久而久之，就變成習慣。其他人點諗？哈，我理唔到咁多喎。
正當一路踩，一路唱緊六七十年代 oldies ，有架單車由後面跟上嚟，好快就出現喺我身邊，再噓噓聲就過咗我。嘩，都好勁喎啫，你！我梗係擘大眼睇下乜誰。咦，係阿嬋！佢一尐辛苦表情都冇，仲好慈祥咁對我回眸一笑，即刻百媚生。雖然廿一世紀嘅阿嬋，絕對唔可以睇少，但係呢位令六宮粉黛都無顏色嘅，又真係出色得誇張咗尐。我眼利，睇到佢架車嘅車架 frame ，掛咗個長盒仔。哈，係電動 Hybrid 單車，怪唔之！咁都畀返些少，僅餘嘅自信心過我。噓！
睇嚟，呢個都係趨勢，嬰兒潮嘅先鋒者，而家正係尷尬年齡。哎唷都有些少錢剩，又有時間去玩；衰退緊嘅體力，又唔衰得晒喎，又想尋找過去嘅光輝歲月。叫佢踩上呢條斜路，嗰尐関節kok kok 聲，即係要攞佢命。不過一落斜路，佢哋飛得快過你。有咗新科技，佢哋就可以參加尐本來難度較高嘅團，光輝歲月，又可以延長些少。
呢條四公里長命斜，我尐汗直情係喺塊面流出嚟，成件衫都濕晒。中途抖咗三幾次，每次上返車都係意志嘅勝利，好開心我 全程冇推車，算係咁喇。我哋呢個六人小隊，我係最早到，喺高點等咗冇耐，隊友陸續出現，集齊全隊，又再出發。
小島地形，就梗係上到高點，跟住就落返去。我哋由山坡另一邊落山，跟住就喺海拔百零米處上上落落，沿住南邊山坡公路踩，經過幾個小鎮。如果遇到嘩嘩聲嘅靚景，都會停低睇景、影相。由頭先高點向西再踩多25公里，就到達今日中午嘅落腳點 Brna 海灘，
呢度係個小型渡假邨，山坡有房出租，近海灘處係一個餐廳茶座，而家肯定係淡季，人影都冇隻。我哋將單車堆近沙灘，就喺沙灘太陽遮下，坐低開餐咯。因為預咗喺呢度 hea 個幾鐘頭，所以帶埋游水嘢。我先咬三文治一半，換過泳裝，就落水喇。而家真係好，帶埋 GoPro ，又多樣嘢玩。呢個灘仔真古怪，又有沙，又有石，又有泥。淺水處，尐石又生滿一叢叢水草，好難行。不過游出深水處就好好多，始終尐海水都係清澈見底嗰隻，其實好好游。海水仍然係幾凍，好在出猛太陽，游一陣都係冇問題嘅。
半粒鐘左右，游夠皮，上水咬埋嗰半份三文治，換返衫，喺附近行下影下相，又話夠鐘起程喇。
下午嘅行程，要由 Brna 海灘呢度，再踩 17 公里，橫跨小島，去到東北角嘅 Prigadica 小鎮。又好似噚日咁，浪漫號一早已經離開 Korcula 駛到 Prigadica 馬頭等我哋。呢17公里，雖然有上有落，不過真係濕濕碎，個半鐘頭，就搞掂咗佢。單車駛落海邊長堤，離遠就見到浪漫號泊喺碼頭恭候我哋，即刻加快腳步踩到船邊，雙手舉起單車交畀船上水手，即刻由跳板上船。
今日埋單，一共踩咗 52公里。
上咗船，就梗係冲返個靚涼，浪漫號又繼續航程，今次向西走，下個目的地就係 Vis Island。洗過白白，船尾大客廳又擺咗生果盤，甜品，百力茲等零食。今日踩咗咁多車，應該獎勵一下自己。舉手叫啤酒，豆先生即刻送到，正當我哋他條嘆緊世界之時，廚房正在忙碌，預備晚餐。
今晚餐單：意大利什菜飯，迷迭香草薯茸魚塊配蛇豆，朱古力雙層蛋糕，大枝啤酒梗喺唔少得。咁樣食法，唔肥有鬼咯。
晚餐食完，船就駛入 Vis 海港，泊得船嚟，太陽都落山喇。橫掂冇乜嘢做，係咁意上岸行個匝。黑孖孖，月兒高掛，有乜好睇？早尐返歸瞓，算罷喇。
阿得利亞海，乜得嚟盾鬼靚
我哋香港人，習慣上，覺得茶應該同水一樣，係免費嘅。茶餐廳係咁，有時就算茶樓，都借尐意，免茶介，以廣招倈。要畀錢飲杯茶，硬係覺得唔扺。但係，我去旅行嘅經驗，就係絕大多數地方，茶同咖啡冇乜分別，就算只係茶包加滾水，都要收錢。所以我必定帶埋個半公升嘅暖水壺仔去旅行。朝早放三四個茶包入去，早餐冲咖啡時，順手冲埋暖水壼。慳尐飲，呢壺茶，就可以陪住我成日。
早餐鐘聲響過，豆先生拎咗一壺滾水，各人自冲咖啡之餘，見我仲可以冲埋茶，帶住四圍飲，都羨慕不已。「不過，你學唔到喎，」我好得戚，眨眨眼，一邊指住水壺仔咁講，「see， I'm well prepared 。」我嘅誇張演技，梗係引得閧堂大笑喇。呢尐團，大家萍水相逢，十日八日貨仔，要日子過得開心，識得講笑好緊要。幾年經驗，我認為我，優為之喇。
早餐後，領隊介紹行程。注意嘞，今日係最甘嘅一日，雖然都係五十幾公里路程啫，不過，開始時，要上一段18 度嘅斜路，大家要有落地推車嘅心理準備。今日路程較長，所以會喺外面午餐，廚房已經預備咗三文治，上岸時，一人一份，同時攞足夠嘅水，擺落 車尾袋。個個執好裝備，隨時出發。
靚女領隊跳上單車，一馬當先。我哋六件亦不怠慢，亦步亦趨，跟住靚領隊。先踩一段市集小路，離開 Korcula ，正當我哋沿住海邊踩，望向海灣，浪漫號亦正在駛離 Korcula。我哋繼續再踩約五公里，就見到上山路口。呵，路口已經咁斜，就算落咗單車腳架，單車都企唔穩！大家先喺路口集合，領隊指示，呢段斜路，途中唔再集合，斜路頂再見。
記得三年前喺中美踩單車，嗰度尐斜路勁好多，當時領隊德國佬 Martin Muller （我仲記得佢個名！）同我講：「上斜路就係意志，你話得，就得！」絕對係廢話，係咪？不過，原來真係 works！
我根本唔會考慮使唔使推車，跳上車就踩。呢條車路係一條之字形山路，路況唔錯，不過都幾窄，如果有兩架車對頭，就要好小心。好彩車流都好疏落，全程只係遇過幾架車，其實非常安全。我一路踩上斜，有時人過我，有時我過人。遇到前面有人推車，就會喺佢旁邊爬頭，過後，就會泛起點點傲氣。你咪話，呢尐就係搏老命踩上斜嘅動力。我仲有一個好乞人憎嘅習慣，就係锺意一路踩車，一路唱歌。其實，呢個係我嘅呼吸方法。唔知點解，我嘅呼吸聲好重，與其 he he hei hei 抖大氣，不如將抖氣聲化成歌聲，咁樣，我會舒服尐。久而久之，就變成習慣。其他人點諗？哈，我理唔到咁多喎。
正當一路踩，一路唱緊六七十年代 oldies ，有架單車由後面跟上嚟，好快就出現喺我身邊，再噓噓聲就過咗我。嘩，都好勁喎啫，你！我梗係擘大眼睇下乜誰。咦，係阿嬋！佢一尐辛苦表情都冇，仲好慈祥咁對我回眸一笑，即刻百媚生。雖然廿一世紀嘅阿嬋，絕對唔可以睇少，但係呢位令六宮粉黛都無顏色嘅，又真係出色得誇張咗尐。我眼利，睇到佢架車嘅車架 frame ，掛咗個長盒仔。哈，係電動 Hybrid 單車，怪唔之！咁都畀返些少，僅餘嘅自信心過我。噓！
睇嚟，呢個都係趨勢，嬰兒潮嘅先鋒者，而家正係尷尬年齡。哎唷都有些少錢剩，又有時間去玩；衰退緊嘅體力，又唔衰得晒喎，又想尋找過去嘅光輝歲月。叫佢踩上呢條斜路，嗰尐関節kok kok 聲，即係要攞佢命。不過一落斜路，佢哋飛得快過你。有咗新科技，佢哋就可以參加尐本來難度較高嘅團，光輝歲月，又可以延長些少。
呢條四公里長命斜，我尐汗直情係喺塊面流出嚟，成件衫都濕晒。中途抖咗三幾次，每次上返車都係意志嘅勝利，好開心我 全程冇推車，算係咁喇。我哋呢個六人小隊，我係最早到，喺高點等咗冇耐，隊友陸續出現，集齊全隊，又再出發。
小島地形，就梗係上到高點，跟住就落返去。我哋由山坡另一邊落山，跟住就喺海拔百零米處上上落落，沿住南邊山坡公路踩，經過幾個小鎮。如果遇到嘩嘩聲嘅靚景，都會停低睇景、影相。由頭先高點向西再踩多25公里，就到達今日中午嘅落腳點 Brna 海灘，
呢度係個小型渡假邨，山坡有房出租，近海灘處係一個餐廳茶座，而家肯定係淡季，人影都冇隻。我哋將單車堆近沙灘，就喺沙灘太陽遮下，坐低開餐咯。因為預咗喺呢度 hea 個幾鐘頭，所以帶埋游水嘢。我先咬三文治一半，換過泳裝，就落水喇。而家真係好，帶埋 GoPro ，又多樣嘢玩。呢個灘仔真古怪，又有沙，又有石，又有泥。淺水處，尐石又生滿一叢叢水草，好難行。不過游出深水處就好好多，始終尐海水都係清澈見底嗰隻，其實好好游。海水仍然係幾凍，好在出猛太陽，游一陣都係冇問題嘅。
半粒鐘左右，游夠皮，上水咬埋嗰半份三文治，換返衫，喺附近行下影下相，又話夠鐘起程喇。
下午嘅行程，要由 Brna 海灘呢度，再踩 17 公里，橫跨小島，去到東北角嘅 Prigadica 小鎮。又好似噚日咁，浪漫號一早已經離開 Korcula 駛到 Prigadica 馬頭等我哋。呢17公里，雖然有上有落，不過真係濕濕碎，個半鐘頭，就搞掂咗佢。單車駛落海邊長堤，離遠就見到浪漫號泊喺碼頭恭候我哋，即刻加快腳步踩到船邊，雙手舉起單車交畀船上水手，即刻由跳板上船。
今日埋單，一共踩咗 52公里。
上咗船，就梗係冲返個靚涼，浪漫號又繼續航程，今次向西走，下個目的地就係 Vis Island。洗過白白，船尾大客廳又擺咗生果盤，甜品，百力茲等零食。今日踩咗咁多車，應該獎勵一下自己。舉手叫啤酒，豆先生即刻送到，正當我哋他條嘆緊世界之時，廚房正在忙碌，預備晚餐。
今晚餐單：意大利什菜飯，迷迭香草薯茸魚塊配蛇豆，朱古力雙層蛋糕，大枝啤酒梗喺唔少得。咁樣食法，唔肥有鬼咯。
晚餐食完，船就駛入 Vis 海港，泊得船嚟，太陽都落山喇。橫掂冇乜嘢做，係咁意上岸行個匝。黑孖孖，月兒高掛，有乜好睇？早尐返歸瞓，算罷喇。
嚤囉
No comments:
Post a Comment