Turkey and Balkans Trip (15)
2015.05.30 Split to Trogir, 單車遊船之旅
一早起身，煲滾水冲咖啡，加埋麥餅乾，就係完美自製早餐。執好細軟，Elana 又揸住玲木車仔嚟接我，今日佢嘅任務係載我去 Trogir ，Trogir 係 split 西面三十公里外嘅一個港口。今日係星期六，路上唔係好多車，交通頗為暢順，半粒鐘就到埗。Elena 佢咁交帶，我又再約佢八日後返嚟呢度，車返我去Split。
原來 Trogir 係個港口小島，島上有兩條雙向車路嘅小橋，北面呢條連住歐洲大陸，南面個條連住另一個外島 Otok Ciovo。我拉住行李喼，行過北橋。小島上，原來又係一個古城。由北面城門入城，行過窄窄嘅石板路，好似一般古城咁，兩邊都係鋪頭、食肆。我而家搵緊路，未有心情行街睇嘢。行咗五分鐘左右，就穿過古城，走出南面城門，就係小島嘅南岸！嘩，真係一個好細好細嘅島。岸邊就係碼頭，碼頭堤岸泊滿船，多數係兩層高，30 米長左右嘅摩打帆船 motor yachts 。好多船邊，碼頭岸上，都放咗一排排同一款式嘅單車。冇錯嘞，我知我嘅目的地已經到咗。
沿岸邊走冇遠，就搵到接待櫃枱仔，工作人員確認所有文件後，我就放低行李。等隻船清潔好之後，佢哋就會幫我拎李入船艙，我只要喺兩點前上船就冇問題喇。
我就利用呢三、四粒鐘行下呢個小島。Trogir 真係好細，呢個島大約係長 600 米，闊 300 米左右，中間所有民居、鋪頭都畀城牆包圍住，根本就係一個寨城。因為七日後，呢個行程完結時，再次返返呢度時，會有一次古城導賞，所以今日我唔睇資料，就咁四圍行，當行街市算喇。漫不經心喺古城小巷閒逛，企喺中心廣場，睇巡遊樂隊表演，坐喺海邊，陽光下飲啤酒食奄列，仲喺街角小超市買尐零食上船 ⋯⋯。Hea 到夠鐘就返去碼頭。
正想上船，原來佢哋搞錯咗我嘅船艙。我訂嘅係普通船 regular boat，不過因為睇過「鐡達尼」呢齣戲，我就加多咗些少錢，要住甲板上嘅船艙 above deck cabin，點知佢安排我住艙底 below deck。佢哋知搞錯咗，但係甲板上嘅艙已經住滿，唯有幫我換過另一隻船。
「but there is a problem 」，佢同我講。
「what problem」？
佢扮晒皺起眉咁話：「the ship is a little bit bigger 」。
我打晒哈哈：「that is not a problem at all」。
當然，佢知咁係益咗我至會咁講。又係喎，比起我原先訂嘅普通船，呢隻船真係又新尐，又大尐。計起上嚟，咁樣升咗呢，我賺咗 500蚊袋鼠幣。我梗係唔客氣，哈哈笑拉住行李喼上船可也。
我大鄉里出城，第一次喺船上面住。船嘅甲板係客廳、餐廳、駕駛艙，住客艙喺第二層，第二層船尾露天處，放咗十幾架單車。鐵梯爬上頂層，就係 sun deck，呢度竪咗支好高嘅桅桿，地面擺咗太陽臥椅、地墊等，仲使問，呢度最啱就係曬太陽喇。我第一時間入房，一張好大嘅雙人牀，衣櫃、牀邊小書枱，仲有些少空間行嚟行去都得。房內私人廁所、淋浴間，都算寬敞。船上設施，比我想象中好得多，真係非常滿意。今次陪住我八日嘅呢隻船，芳名： Romantica。真係咁浪漫！
開船喇，第一站去邊？Split ！我今朝由 Split 坐車嚟 Trogir，而家就坐船返去 Split 。呢隻船，話名係帆船，但係唔用帆，全程只用舷內摩打行駛。船向東行，我哋大把時間，並唔心急靠岸，船就喺海中心拋錨，放低船尾板，大家就可以游水。我換咗泳褲，着往防曬 rash suit，手執 GoPro ，由尾板縱身一跳，就跳咗落阿得利亞海。嘩，尐水都仲係幾凍。團友三三兩兩都分別落水，我哋都只係喺船邊游嚟游去，我就潛低些少，用GoPro 影下相。尐水咁凍，其實都唔游得太耐。半個鐘左右，又開船駛入 split 港口泊碼頭。我就冲返個涼，換咗衫預備上岸，跟住，個團預備咗一個 Diocletian's Palace 嘅導遊時段。我雖然噚日已經行過古城一兩粒鐘，但係有人帶往一路行一路解，梗係好尐。當地導遊帶嘅路線，我都行過，不過就聽多咗好多旅遊介紹都冇講嘅小故事，獲益良多也。
上返船，齊集餐廳，團友正式見面。全團共有十二人，大致分成兩批，八個講德文嘅人，其中六個嚟自德國，一對奧地利夫婦；同呢班人用英文溝通，大部份都係可以嘅；另一批四個人就唔識德文，包括一對挪威夫婦，一位女士嚟自澳洲維多利亞，同埋我嘞。
領隊亦介紹船長及船上工作人員，廚師等。講解船上日常一般運作、守則，又略略交待八日嘅行程大概。跟住，就係精彩嘅節目，船上第一個晚餐。
船上嘅餐，已經包喺團費裏面，但唔包酒水。啤酒餐酒，汽水果汁任叫，好似酒店咁，會先記賬，最後至埋單。
今晚先嚟個清湯，再嚟薯仔煮魚，跟手出埋甜品。船上呢餐，好食過我過去十幾日任何一餐。新鮮好味唔在講，仲好有家庭 feel ，真係好似喺屋企食，一尐都唔商業化。見到有咁靚嘅餸，即刻叫支啤酒。哎唷，呢次大劑喇，七丶八日喺隻船上，餐餐都咁正，仲飲埋啤酒，個肚腩點算好呢？唉，又係嗰句，食埋呢餐至算。
晚餐後都係自由時間，隻船就停喺 Split 碼頭呢度，你可以落船行夜街，行到幾時都冇人理，不過記住天光七點前返上船，因為聽日七點就開船，亦冇人有責任點齊人數至開船，大家執生喇。
Split 我已經行咗一日，冇乜地方值得去，就留喺船上寫遊記得。
聽日再噏過
Trogir 古城上船
一早起身，煲滾水冲咖啡，加埋麥餅乾，就係完美自製早餐。執好細軟，Elana 又揸住玲木車仔嚟接我，今日佢嘅任務係載我去 Trogir ，Trogir 係 split 西面三十公里外嘅一個港口。今日係星期六，路上唔係好多車，交通頗為暢順，半粒鐘就到埗。Elena 佢咁交帶，我又再約佢八日後返嚟呢度，車返我去Split。
原來 Trogir 係個港口小島，島上有兩條雙向車路嘅小橋，北面呢條連住歐洲大陸，南面個條連住另一個外島 Otok Ciovo。我拉住行李喼，行過北橋。小島上，原來又係一個古城。由北面城門入城，行過窄窄嘅石板路，好似一般古城咁，兩邊都係鋪頭、食肆。我而家搵緊路，未有心情行街睇嘢。行咗五分鐘左右，就穿過古城，走出南面城門，就係小島嘅南岸！嘩，真係一個好細好細嘅島。岸邊就係碼頭，碼頭堤岸泊滿船，多數係兩層高，30 米長左右嘅摩打帆船 motor yachts 。好多船邊，碼頭岸上，都放咗一排排同一款式嘅單車。冇錯嘞，我知我嘅目的地已經到咗。
沿岸邊走冇遠，就搵到接待櫃枱仔，工作人員確認所有文件後，我就放低行李。等隻船清潔好之後，佢哋就會幫我拎李入船艙，我只要喺兩點前上船就冇問題喇。
我就利用呢三、四粒鐘行下呢個小島。Trogir 真係好細，呢個島大約係長 600 米，闊 300 米左右，中間所有民居、鋪頭都畀城牆包圍住，根本就係一個寨城。因為七日後，呢個行程完結時，再次返返呢度時，會有一次古城導賞，所以今日我唔睇資料，就咁四圍行，當行街市算喇。漫不經心喺古城小巷閒逛，企喺中心廣場，睇巡遊樂隊表演，坐喺海邊，陽光下飲啤酒食奄列，仲喺街角小超市買尐零食上船 ⋯⋯。Hea 到夠鐘就返去碼頭。
正想上船，原來佢哋搞錯咗我嘅船艙。我訂嘅係普通船 regular boat，不過因為睇過「鐡達尼」呢齣戲，我就加多咗些少錢，要住甲板上嘅船艙 above deck cabin，點知佢安排我住艙底 below deck。佢哋知搞錯咗，但係甲板上嘅艙已經住滿，唯有幫我換過另一隻船。
「but there is a problem 」，佢同我講。
「what problem」？
佢扮晒皺起眉咁話：「the ship is a little bit bigger 」。
我打晒哈哈：「that is not a problem at all」。
當然，佢知咁係益咗我至會咁講。又係喎，比起我原先訂嘅普通船，呢隻船真係又新尐，又大尐。計起上嚟，咁樣升咗呢，我賺咗 500蚊袋鼠幣。我梗係唔客氣，哈哈笑拉住行李喼上船可也。
我大鄉里出城，第一次喺船上面住。船嘅甲板係客廳、餐廳、駕駛艙，住客艙喺第二層，第二層船尾露天處，放咗十幾架單車。鐵梯爬上頂層，就係 sun deck，呢度竪咗支好高嘅桅桿，地面擺咗太陽臥椅、地墊等，仲使問，呢度最啱就係曬太陽喇。我第一時間入房，一張好大嘅雙人牀，衣櫃、牀邊小書枱，仲有些少空間行嚟行去都得。房內私人廁所、淋浴間，都算寬敞。船上設施，比我想象中好得多，真係非常滿意。今次陪住我八日嘅呢隻船，芳名： Romantica。真係咁浪漫！
開船喇，第一站去邊？Split ！我今朝由 Split 坐車嚟 Trogir，而家就坐船返去 Split 。呢隻船，話名係帆船，但係唔用帆，全程只用舷內摩打行駛。船向東行，我哋大把時間，並唔心急靠岸，船就喺海中心拋錨，放低船尾板，大家就可以游水。我換咗泳褲，着往防曬 rash suit，手執 GoPro ，由尾板縱身一跳，就跳咗落阿得利亞海。嘩，尐水都仲係幾凍。團友三三兩兩都分別落水，我哋都只係喺船邊游嚟游去，我就潛低些少，用GoPro 影下相。尐水咁凍，其實都唔游得太耐。半個鐘左右，又開船駛入 split 港口泊碼頭。我就冲返個涼，換咗衫預備上岸，跟住，個團預備咗一個 Diocletian's Palace 嘅導遊時段。我雖然噚日已經行過古城一兩粒鐘，但係有人帶往一路行一路解，梗係好尐。當地導遊帶嘅路線，我都行過，不過就聽多咗好多旅遊介紹都冇講嘅小故事，獲益良多也。
上返船，齊集餐廳，團友正式見面。全團共有十二人，大致分成兩批，八個講德文嘅人，其中六個嚟自德國，一對奧地利夫婦；同呢班人用英文溝通，大部份都係可以嘅；另一批四個人就唔識德文，包括一對挪威夫婦，一位女士嚟自澳洲維多利亞，同埋我嘞。
領隊亦介紹船長及船上工作人員，廚師等。講解船上日常一般運作、守則，又略略交待八日嘅行程大概。跟住，就係精彩嘅節目，船上第一個晚餐。
船上嘅餐，已經包喺團費裏面，但唔包酒水。啤酒餐酒，汽水果汁任叫，好似酒店咁，會先記賬，最後至埋單。
今晚先嚟個清湯，再嚟薯仔煮魚，跟手出埋甜品。船上呢餐，好食過我過去十幾日任何一餐。新鮮好味唔在講，仲好有家庭 feel ，真係好似喺屋企食，一尐都唔商業化。見到有咁靚嘅餸，即刻叫支啤酒。哎唷，呢次大劑喇，七丶八日喺隻船上，餐餐都咁正，仲飲埋啤酒，個肚腩點算好呢？唉，又係嗰句，食埋呢餐至算。
晚餐後都係自由時間，隻船就停喺 Split 碼頭呢度，你可以落船行夜街，行到幾時都冇人理，不過記住天光七點前返上船，因為聽日七點就開船，亦冇人有責任點齊人數至開船，大家執生喇。
Split 我已經行咗一日，冇乜地方值得去，就留喺船上寫遊記得。
聽日再噏過
No comments:
Post a Comment