Turkey and Balkans Trip (13)
2015.05.28 Topkapi Palace, Istanbul, to Split, Croatia
今日係最後一日喺土耳其，一早起身，食過旅館早餐，就請櫃枱幫忙打點去機場嘅交通，再交帶延長交房時間，而家未係旺季，遲兩三個鐘交房，梗冇問題喇。
今日，只有一個景點要去，就係皇宮博物館。由旅館行去，十分鐘就搞掂。博物館要九點至開始賣飛，我早半個鐘就到，門口已經排緊隊。皇宮係伊斯坦堡必遊之點，各工作人員做慣做熟，非常有效率，我好快就入到皇宮。其實第一日登陸伊斯坦堡已經嚟過皇宮 ⋯⋯ 門口，但係三過其門而冇得入，卒之要到十二日後，今日至可以入去。
征服者穆罕默德二世， 1453 年打敗東羅馬拜佔庭帝國，建立跨越歐亞嘅鄂圖曼帝國，將君士坦丁堡變成伊士坦堡，並且定都於此，就即刻興建皇宮。正如一般皇宮一樣，除咗作為鄂圖曼皇室家庭起居之用，當然亦係皇家辦公室，及接見外國使臣嘅地方，皇宮內又有皇家鑄幣廠。直至 1856年，Dolmabahçe Palace 喺伊斯坦堡較北嘅 Bospherous 海岸建成，此後，蘇丹皇就一直住喺新皇宮，而舊皇宮呢度，就保留用作皇家圖書館及鑄幣廠等用途。直至 1924 年，現代土耳其共和國成立後，舊皇宮就變成博物館，開放畀遊人參觀。雖然已經變成博物館，但仍然由土耳其軍人駐守，喺進入皇宮前嘅皇家花園拱門，就有胸前棒住機關槍嘅大隻佬軍人站崗。
舊皇宮所在位置，就喺金角河流出 Marmara 海嘅交界。喺興建皇宮時，點會錯過呢尐靚景，喺皇宮向北、向東嘅地方，都有好多小庭園、露天走廊、觀景亭等等。可以想象，幾百年來，蘇丹皇攬住四個皇后（又唔知有幾多妃嬪？），隔住金角河北望伊斯坦堡黑海海岸；又隔住 Marmara 海，東望小亞細亞，普天之下皆皇土，大他就在腳下，呢種滿足感，應該好過癮。我冇四個皇后，不過同蘇丹皇一樣，今日企喺皇宮，一樣睇到靚景，都算係咁喇。
皇宮雖然經過地震及火災，但仍然保存得好好。宮內有展覽地方展出皇家珠寶，門口排晒長龍，我對珠寶興趣不大，求其打個匝就算數。皇室起居宮殿外，有一排矮屋，原來係皇家廚房，展出廚師用嘅工具，同埋皇室餐具。我覺得呢個部份就相當有趣。尐碗碗碟碟花哩花綠唔在講，仲有尐大到好似個盤嘅瓷碟⋯⋯，係幾好睇。咁樣喺皇宮行一個匝，都要化兩個鐘。
因為今日係喺土耳其嘅最後一日，離開皇宮後。再喺皇宮區附近四圍逛一逛，唔去餐廳食晏，就咁喺街邊，買個圈餅加花生醬，一路行一路咬，咬到返旅館。冲個靚涼，執好行李，穿梭小巴載我去機場。就咁，十二日土耳其之旅，又告一段落嘞。
回想細時，土耳其對我嚟講，只不過係一個地理名稱。1978 年，西片「午夜快車」Midnight Express，講一個美國青年喺土耳其監獄嘅故事，情節內容梗係嚇到你飛起嗰隻。都係睇戲啫，我點會花時間去了解佢嘅真實性，但係呢個印象好深，睇完戲之後，你會話，打死都唔會去土耳其。當然，人大咗，諗法亦唔同咗。因為今次旅行，我睇咗尐資料，原來呢套戲，真係嚇窒咗好多人唔敢去土耳其。哼！我話呀，土耳其旅遊局應該向何李活索取賠償！
又原來戲中講嘅監獄，就好近我住嘅地方，不過，呢個監獄而家已經改咗用途。做乜呢？就係而家嘅伊斯坦堡皇宮區四季酒店。雖然客人唔會覺得住喺監獄，但係庭園嘅特高圍牆等，都係少少剩低落嚟嘅遺跡。
十二日嘅土耳其之旅，畀咗一個基礎我去瞭解呢個跨大陸跨文化嘅古老國度，我得益不淺，多謝晒。
第二段旅程，繼續登場——克羅地亞。由土耳其先飛克羅地亞首都 Zagreb 薩格勒布，飛行時間只需兩粒鐘。雖然只係轉機，但係都要做入境、攞行李等手續，先至再轉內陸機。一切搞掂，走到轉機閘口，仲有大把時間。今次醒目，一早喺澳洲換定些少克羅地亞錢 Kuna ，坐喺機場餐廳，用 Kuna 找數飲杯咖啡等轉機。其實根本唔使一早換定錢，淨帶歐羅就已經得，機場用歐羅完全冇問題。不過，唔嚟過，你又點知？
冇耐，再轉機飛 Split 斯普利特，唔使一粒鐘就到埗，十一點幾出到機場。一早已經約定民宿主人接機，一出閘，已經有個高佻女士等緊，我係全機唯一黃口黃面嘅人，好易認，佢一見我，就走埋嚟，一番認證之後，就上咗佢架鈴木車仔。佢係克羅地亞人，老公係德國人，佢尐英文同我有得 fight，所以溝通絕無問題。
我住嘅唔係旅館，係百分百民居，隔離左右都係普通人嘅屋企。好多時，一尐發展中地區，根本冇資金去起酒店、旅館，最方便快捷嘅方法，就係用現有民居改裝再出租，簡單嚟講，就係劏房。今次我住嘅呢間房，就係喺間三層高嘅屋邊空地加建出嚟。個名叫做 Elana rooms，呢位女士就係 Elana，而呢間房咪就係 a room 囉。呢間劏房，冷氣，廁所冲涼房，冷熱水， 雪櫃 wifi ，全部齊備，其實都好舒服。咁樣嘅一間房，就收 38 歐羅一晚，都好化算。
我畀清房租，Elana 交帶一下我要知嘅嘢，畀咗鎖匙我，就此告別，此後就用電話聯絡嘞。執好嘢冲埋涼搞得嚟都成點鐘喇，冚埋被，瞓第一個克羅地亞覺。
皇宫東廊飽覽 Bospherous 風光
今日係最後一日喺土耳其，一早起身，食過旅館早餐，就請櫃枱幫忙打點去機場嘅交通，再交帶延長交房時間，而家未係旺季，遲兩三個鐘交房，梗冇問題喇。
今日，只有一個景點要去，就係皇宮博物館。由旅館行去，十分鐘就搞掂。博物館要九點至開始賣飛，我早半個鐘就到，門口已經排緊隊。皇宮係伊斯坦堡必遊之點，各工作人員做慣做熟，非常有效率，我好快就入到皇宮。其實第一日登陸伊斯坦堡已經嚟過皇宮 ⋯⋯ 門口，但係三過其門而冇得入，卒之要到十二日後，今日至可以入去。
征服者穆罕默德二世， 1453 年打敗東羅馬拜佔庭帝國，建立跨越歐亞嘅鄂圖曼帝國，將君士坦丁堡變成伊士坦堡，並且定都於此，就即刻興建皇宮。正如一般皇宮一樣，除咗作為鄂圖曼皇室家庭起居之用，當然亦係皇家辦公室，及接見外國使臣嘅地方，皇宮內又有皇家鑄幣廠。直至 1856年，Dolmabahçe Palace 喺伊斯坦堡較北嘅 Bospherous 海岸建成，此後，蘇丹皇就一直住喺新皇宮，而舊皇宮呢度，就保留用作皇家圖書館及鑄幣廠等用途。直至 1924 年，現代土耳其共和國成立後，舊皇宮就變成博物館，開放畀遊人參觀。雖然已經變成博物館，但仍然由土耳其軍人駐守，喺進入皇宮前嘅皇家花園拱門，就有胸前棒住機關槍嘅大隻佬軍人站崗。
舊皇宮所在位置，就喺金角河流出 Marmara 海嘅交界。喺興建皇宮時，點會錯過呢尐靚景，喺皇宮向北、向東嘅地方，都有好多小庭園、露天走廊、觀景亭等等。可以想象，幾百年來，蘇丹皇攬住四個皇后（又唔知有幾多妃嬪？），隔住金角河北望伊斯坦堡黑海海岸；又隔住 Marmara 海，東望小亞細亞，普天之下皆皇土，大他就在腳下，呢種滿足感，應該好過癮。我冇四個皇后，不過同蘇丹皇一樣，今日企喺皇宮，一樣睇到靚景，都算係咁喇。
皇宮雖然經過地震及火災，但仍然保存得好好。宮內有展覽地方展出皇家珠寶，門口排晒長龍，我對珠寶興趣不大，求其打個匝就算數。皇室起居宮殿外，有一排矮屋，原來係皇家廚房，展出廚師用嘅工具，同埋皇室餐具。我覺得呢個部份就相當有趣。尐碗碗碟碟花哩花綠唔在講，仲有尐大到好似個盤嘅瓷碟⋯⋯，係幾好睇。咁樣喺皇宮行一個匝，都要化兩個鐘。
因為今日係喺土耳其嘅最後一日，離開皇宮後。再喺皇宮區附近四圍逛一逛，唔去餐廳食晏，就咁喺街邊，買個圈餅加花生醬，一路行一路咬，咬到返旅館。冲個靚涼，執好行李，穿梭小巴載我去機場。就咁，十二日土耳其之旅，又告一段落嘞。
回想細時，土耳其對我嚟講，只不過係一個地理名稱。1978 年，西片「午夜快車」Midnight Express，講一個美國青年喺土耳其監獄嘅故事，情節內容梗係嚇到你飛起嗰隻。都係睇戲啫，我點會花時間去了解佢嘅真實性，但係呢個印象好深，睇完戲之後，你會話，打死都唔會去土耳其。當然，人大咗，諗法亦唔同咗。因為今次旅行，我睇咗尐資料，原來呢套戲，真係嚇窒咗好多人唔敢去土耳其。哼！我話呀，土耳其旅遊局應該向何李活索取賠償！
又原來戲中講嘅監獄，就好近我住嘅地方，不過，呢個監獄而家已經改咗用途。做乜呢？就係而家嘅伊斯坦堡皇宮區四季酒店。雖然客人唔會覺得住喺監獄，但係庭園嘅特高圍牆等，都係少少剩低落嚟嘅遺跡。
十二日嘅土耳其之旅，畀咗一個基礎我去瞭解呢個跨大陸跨文化嘅古老國度，我得益不淺，多謝晒。
第二段旅程，繼續登場——克羅地亞。由土耳其先飛克羅地亞首都 Zagreb 薩格勒布，飛行時間只需兩粒鐘。雖然只係轉機，但係都要做入境、攞行李等手續，先至再轉內陸機。一切搞掂，走到轉機閘口，仲有大把時間。今次醒目，一早喺澳洲換定些少克羅地亞錢 Kuna ，坐喺機場餐廳，用 Kuna 找數飲杯咖啡等轉機。其實根本唔使一早換定錢，淨帶歐羅就已經得，機場用歐羅完全冇問題。不過，唔嚟過，你又點知？
冇耐，再轉機飛 Split 斯普利特，唔使一粒鐘就到埗，十一點幾出到機場。一早已經約定民宿主人接機，一出閘，已經有個高佻女士等緊，我係全機唯一黃口黃面嘅人，好易認，佢一見我，就走埋嚟，一番認證之後，就上咗佢架鈴木車仔。佢係克羅地亞人，老公係德國人，佢尐英文同我有得 fight，所以溝通絕無問題。
我住嘅唔係旅館，係百分百民居，隔離左右都係普通人嘅屋企。好多時，一尐發展中地區，根本冇資金去起酒店、旅館，最方便快捷嘅方法，就係用現有民居改裝再出租，簡單嚟講，就係劏房。今次我住嘅呢間房，就係喺間三層高嘅屋邊空地加建出嚟。個名叫做 Elana rooms，呢位女士就係 Elana，而呢間房咪就係 a room 囉。呢間劏房，冷氣，廁所冲涼房，冷熱水， 雪櫃 wifi ，全部齊備，其實都好舒服。咁樣嘅一間房，就收 38 歐羅一晚，都好化算。
我畀清房租，Elana 交帶一下我要知嘅嘢，畀咗鎖匙我，就此告別，此後就用電話聯絡嘞。執好嘢冲埋涼搞得嚟都成點鐘喇，冚埋被，瞓第一個克羅地亞覺。
嚤囉
No comments:
Post a Comment