Turkey and Balkans Trip (16)
2015.05.31 Bike and boat, Split, Omis, Brac
我船上嘅第一夜，就喺浪漫號上渡過。冇顛簸驚濤，只係柔波輕晃，好好瞓嘅一個晩上。朝早，啱啱睇到日出，水手解纜，浪漫號就離開 Split 港。
我哋呢個船上行程，頭尾一共八日。參加者，視乎肯畀幾多銀兩，可以選擇唔同等級嘅船，又可以選擇唔同嘅生活舒適程度，最基本嘅收費係袋鼠幣 1750。我梗係揀最平嗰隻，不過，都有兩個要求，就係：一，唔住艙底；二，唔同人瞓。即係要揀甲板上嘅單人房 above deck single cabin，咁就要加 860 ，共計 2610 大元。又多謝 Peggy 幫我攞到尐折頭，我又慳返一筆（一定請飲茶喇）。上篇又講過，上船前，佢哋又搞錯我個船艙，我被逼（哈哈，逼得好！）升呢去一隻靚尐嘅船，嗰度又賺咗 650 蚊。開步已經咁好彩， touch wood ，呢個行程一定順風順水。不過，又話返轉頭，無論你畀千幾、二千幾、三千幾，玩嘅、食嘅，根本完全一樣，毫無分別。
行程個名叫做 Bike and boat tour，隻船就係我哋嘅行宮，食住洗漱休閒等生活所需，船上全部滿足得到。每日，隻船載我哋由一個島去另一個島，喺島上，就係遊覽同埋踩單車，夜晚就返上船瞓覺。今次係我第一次咁樣玩法，實在非常過癮。計起上嚟，每日要三百幾蚊袋鼠幣，以我嚟講，當然唔算少錢。不過，包食包瞓包玩包交通⋯⋯，一次咁多，殺你！
克羅地亞，以佢嘅自然風光，贏得 The Pearl of Adriatic Sea「亞得利亞海明珠」嘅美名。克羅地亞南面海岸 ，稱為：逹以馬提亞海岸 Dalmatian coast ，更係以靚得好交関，而馳名於世。我哋呢八日行程，就係喺海岸線其中五個島逐一遊覽，所以呢種玩法，又叫做 Island Hopping 。
今朝一早，浪漫號沿海岸向東南行駛。一邊行船，我哋就食船上嘅第一份早餐，咖啡、茶水，麪麭火腿沙律，逐一送到，簡單而豐富，包保餓你唔親。船上有個船員，專門做侍應工作，佢負責晒餐廳、水吧嘅事務。呢個人，英文唔多，但係一般溝通都係冇問題，佢又好風趣，個樣有尐似 Mr. Bean，咁我哋就叫佢豆先生喇。
隻船行咗 40 公里，到達仍然係歐洲大陸嘅另一個港口 Omis。船泊入海港，領隊將今日行程詳細講解，並且每人都派一張地圖。工作人員隨即喺船尾將單車一一搬到岸上，我哋亦換晒單車衫褲，戴好頭盔，將隨身物品，水樽、太陽油、能量巴等放入車尾 pannier 袋，喺岸上集合等出發。我就巴閉咯，特別將 GoPro 裝喺頭盔，將遙控掛喺背囊肩帶，咁就可以一路踩車，一路影相喇。
全團再分成兩小隊，一隊踩爬山車，唔跟公路行，呢隊以德國佬為主；另一隊就踩公路車，全程都跟住車路。我就梗係踩 road bike 喇。
今日嘅路缐其實係一個圏，首先上山，再沿山脊路，踩到河谷再過橋；再沿海邊山坡公路返回碼頭起點。條路非常好踩，雖然係車路，但係非常少車，十分安全。踩咗30公里後，仲坐埋一齊，喺路邊小茶座嘆咖啡，實在十分他條。
呢條程路最點晴之處，就係喺終點前約5公里處嘅山坡上。呢度有個觀景臺，可以居高臨下睇到 Rijeka Cetina 河，流過平原後，經千萬年功夫，將前面高山屏障劈開，變成兩道垂直山峽絶壁，河水湧入峽底河谷，再回歸亞得利亞海！乜嘢叫做「鬼斧神工」？呢度就解釋得一清二楚喇。又因為呢個山峽河谷，地勢險要，就形成咗一道天然屏障，保護住喺河邊居民嘅安全。
單車衝落斜路，再踩過垂直山峽，就走入 Omis ，再穿過鎮中心，一直踩返碼頭為終點。埋單計數，今日踩咗 45 公里車，計埋休息嘆咖啡，一個朝早，四個零鐘搞掂晒。
上船沖返個涼，落餐廳食午餐。今日廚房預備咗肉醬意粉，簡單方便營養好，大家都喫得好開心。下晝係自由時間，只要記住喺開船前上返船就得嘞。大家田雞過河，各有各撑。有人喺碼頭邊石灘游水曬太陽，有人行街街；我就踩單車出鎮中心，穿梭大街小巷之間。個鎮好乾淨，保養得好好。睇嚟個鎮都係以旅遊為主，沿路有好多路邊食肆，禮品商店，近出海口 Rijeka Cetina 河兩岸，泊咗好多觀光遊河電船仔。不過遊人極少，生意冷淡。希望只係因為旺季未到，如果生意成日都係咁，餓死都有份！
原來歷史上，Omis 曾經係一個海盜鎮， 附近海域嘅船都好驚駛經呢度，當時，政府亦有派士兵嚟清剿。不過，海盜就喺山峽半山建築雕堡，負隅頑抗。而家，呢個雕堡 the pirate castle 仍然企喺山邊，俯視大海。海盜就冇嘞，不過就成為 Omis 鎮嘅重要觀光點。我踩住單車，行唔到石級上堡壘，只好喺山腳仰望，追憶海盜事跡，就此作罷。
有咁過癮嘅歷史，梗係要用到盡。每年九月， Omis 都有活動，就係海盜之夜 night of the pirates。想當然，梗係海盜船巡遊，着埋海盜衫、單眼?￣ﾀﾁ鐵勾船長個 look，再攞住火把通街行。哈，有冇咁嘅機會參與呢？
我好快喺鎮上打個匝，又上返船。人齊後，開船向正南行，跨過好窄嘅海峽，就到達呢個行程嘅第一個外島 Brac Island，佢亦係成個 Dalmatian Coast 最大嘅島。
浪漫號徐徐駛入窄長嘅內港，兩岸山坡都係白石紅瓦頂嘅兩層高平房，近碼頭嘅海堤、市集小廣場都用白色石灰岩砌成，好一個白石城！綠色山巒係背景，上有藍天，下有清到見底嘅碧海，紅綠藍白，做乜襯到靚成咁！記得有時睇卡通，描述羅馬帝國盛世時代嘅港口，我以為只係畫出嚟嘅啫，估唔到，而家個畫中景，就喺眼前。個個企喺船邊，嘩嘩聲話靚。呢個港口鎭叫做 Pucisca，我哋今晚就喺呢度過夜。
船泊定，又係自由時間，大家雞咁腳，慌死執輸，即刻上岸四圍行。鎭上面嘅屋，政府規定，全部清一色，用附近石礦場開採嘅白色石灰岩建造。材料、款式、規格都有規定，以維持小鎮嘅劃一風格。採石係呢度嘅工業，因利成便，各類石雕小型裝飾、擺設、小飾物等，就係呢度嘅特色小手工業，我都買咗些少石雕鎖匙扣做手信，貪佢小巧方便。
今日無風無浪，太陽普照，一個人沿住海灣，信步行個匝，非常輕鬆。行下坐下 又 hea 下，又到食飯時間。返上船冇耐，豆先生敲響餐廳嘅小銅掛鐘，噹噹噹，大家排排坐，享受豆先生嘅招待。今日主菜係蘑菇汁雜腸配白飯，又係好食到不得了，食埋甜品，又係要捧住個肚。
飯後未走得，每日都會做下活動檢討，領隊又會略略講下第二日嘅活動。跟住？坐喺船尾客廳，吹陣海風，吹陣水，又係時間上房喇。
早尐抖，聽日再踩過。
GoPro 裝頭盔，随時有靚相
我船上嘅第一夜，就喺浪漫號上渡過。冇顛簸驚濤，只係柔波輕晃，好好瞓嘅一個晩上。朝早，啱啱睇到日出，水手解纜，浪漫號就離開 Split 港。
我哋呢個船上行程，頭尾一共八日。參加者，視乎肯畀幾多銀兩，可以選擇唔同等級嘅船，又可以選擇唔同嘅生活舒適程度，最基本嘅收費係袋鼠幣 1750。我梗係揀最平嗰隻，不過，都有兩個要求，就係：一，唔住艙底；二，唔同人瞓。即係要揀甲板上嘅單人房 above deck single cabin，咁就要加 860 ，共計 2610 大元。又多謝 Peggy 幫我攞到尐折頭，我又慳返一筆（一定請飲茶喇）。上篇又講過，上船前，佢哋又搞錯我個船艙，我被逼（哈哈，逼得好！）升呢去一隻靚尐嘅船，嗰度又賺咗 650 蚊。開步已經咁好彩， touch wood ，呢個行程一定順風順水。不過，又話返轉頭，無論你畀千幾、二千幾、三千幾，玩嘅、食嘅，根本完全一樣，毫無分別。
行程個名叫做 Bike and boat tour，隻船就係我哋嘅行宮，食住洗漱休閒等生活所需，船上全部滿足得到。每日，隻船載我哋由一個島去另一個島，喺島上，就係遊覽同埋踩單車，夜晚就返上船瞓覺。今次係我第一次咁樣玩法，實在非常過癮。計起上嚟，每日要三百幾蚊袋鼠幣，以我嚟講，當然唔算少錢。不過，包食包瞓包玩包交通⋯⋯，一次咁多，殺你！
克羅地亞，以佢嘅自然風光，贏得 The Pearl of Adriatic Sea「亞得利亞海明珠」嘅美名。克羅地亞南面海岸 ，稱為：逹以馬提亞海岸 Dalmatian coast ，更係以靚得好交関，而馳名於世。我哋呢八日行程，就係喺海岸線其中五個島逐一遊覽，所以呢種玩法，又叫做 Island Hopping 。
今朝一早，浪漫號沿海岸向東南行駛。一邊行船，我哋就食船上嘅第一份早餐，咖啡、茶水，麪麭火腿沙律，逐一送到，簡單而豐富，包保餓你唔親。船上有個船員，專門做侍應工作，佢負責晒餐廳、水吧嘅事務。呢個人，英文唔多，但係一般溝通都係冇問題，佢又好風趣，個樣有尐似 Mr. Bean，咁我哋就叫佢豆先生喇。
隻船行咗 40 公里，到達仍然係歐洲大陸嘅另一個港口 Omis。船泊入海港，領隊將今日行程詳細講解，並且每人都派一張地圖。工作人員隨即喺船尾將單車一一搬到岸上，我哋亦換晒單車衫褲，戴好頭盔，將隨身物品，水樽、太陽油、能量巴等放入車尾 pannier 袋，喺岸上集合等出發。我就巴閉咯，特別將 GoPro 裝喺頭盔，將遙控掛喺背囊肩帶，咁就可以一路踩車，一路影相喇。
全團再分成兩小隊，一隊踩爬山車，唔跟公路行，呢隊以德國佬為主；另一隊就踩公路車，全程都跟住車路。我就梗係踩 road bike 喇。
今日嘅路缐其實係一個圏，首先上山，再沿山脊路，踩到河谷再過橋；再沿海邊山坡公路返回碼頭起點。條路非常好踩，雖然係車路，但係非常少車，十分安全。踩咗30公里後，仲坐埋一齊，喺路邊小茶座嘆咖啡，實在十分他條。
呢條程路最點晴之處，就係喺終點前約5公里處嘅山坡上。呢度有個觀景臺，可以居高臨下睇到 Rijeka Cetina 河，流過平原後，經千萬年功夫，將前面高山屏障劈開，變成兩道垂直山峽絶壁，河水湧入峽底河谷，再回歸亞得利亞海！乜嘢叫做「鬼斧神工」？呢度就解釋得一清二楚喇。又因為呢個山峽河谷，地勢險要，就形成咗一道天然屏障，保護住喺河邊居民嘅安全。
單車衝落斜路，再踩過垂直山峽，就走入 Omis ，再穿過鎮中心，一直踩返碼頭為終點。埋單計數，今日踩咗 45 公里車，計埋休息嘆咖啡，一個朝早，四個零鐘搞掂晒。
上船沖返個涼，落餐廳食午餐。今日廚房預備咗肉醬意粉，簡單方便營養好，大家都喫得好開心。下晝係自由時間，只要記住喺開船前上返船就得嘞。大家田雞過河，各有各撑。有人喺碼頭邊石灘游水曬太陽，有人行街街；我就踩單車出鎮中心，穿梭大街小巷之間。個鎮好乾淨，保養得好好。睇嚟個鎮都係以旅遊為主，沿路有好多路邊食肆，禮品商店，近出海口 Rijeka Cetina 河兩岸，泊咗好多觀光遊河電船仔。不過遊人極少，生意冷淡。希望只係因為旺季未到，如果生意成日都係咁，餓死都有份！
原來歷史上，Omis 曾經係一個海盜鎮， 附近海域嘅船都好驚駛經呢度，當時，政府亦有派士兵嚟清剿。不過，海盜就喺山峽半山建築雕堡，負隅頑抗。而家，呢個雕堡 the pirate castle 仍然企喺山邊，俯視大海。海盜就冇嘞，不過就成為 Omis 鎮嘅重要觀光點。我踩住單車，行唔到石級上堡壘，只好喺山腳仰望，追憶海盜事跡，就此作罷。
有咁過癮嘅歷史，梗係要用到盡。每年九月， Omis 都有活動，就係海盜之夜 night of the pirates。想當然，梗係海盜船巡遊，着埋海盜衫、單眼?￣ﾀﾁ鐵勾船長個 look，再攞住火把通街行。哈，有冇咁嘅機會參與呢？
我好快喺鎮上打個匝，又上返船。人齊後，開船向正南行，跨過好窄嘅海峽，就到達呢個行程嘅第一個外島 Brac Island，佢亦係成個 Dalmatian Coast 最大嘅島。
浪漫號徐徐駛入窄長嘅內港，兩岸山坡都係白石紅瓦頂嘅兩層高平房，近碼頭嘅海堤、市集小廣場都用白色石灰岩砌成，好一個白石城！綠色山巒係背景，上有藍天，下有清到見底嘅碧海，紅綠藍白，做乜襯到靚成咁！記得有時睇卡通，描述羅馬帝國盛世時代嘅港口，我以為只係畫出嚟嘅啫，估唔到，而家個畫中景，就喺眼前。個個企喺船邊，嘩嘩聲話靚。呢個港口鎭叫做 Pucisca，我哋今晚就喺呢度過夜。
船泊定，又係自由時間，大家雞咁腳，慌死執輸，即刻上岸四圍行。鎭上面嘅屋，政府規定，全部清一色，用附近石礦場開採嘅白色石灰岩建造。材料、款式、規格都有規定，以維持小鎮嘅劃一風格。採石係呢度嘅工業，因利成便，各類石雕小型裝飾、擺設、小飾物等，就係呢度嘅特色小手工業，我都買咗些少石雕鎖匙扣做手信，貪佢小巧方便。
今日無風無浪，太陽普照，一個人沿住海灣，信步行個匝，非常輕鬆。行下坐下 又 hea 下，又到食飯時間。返上船冇耐，豆先生敲響餐廳嘅小銅掛鐘，噹噹噹，大家排排坐，享受豆先生嘅招待。今日主菜係蘑菇汁雜腸配白飯，又係好食到不得了，食埋甜品，又係要捧住個肚。
飯後未走得，每日都會做下活動檢討，領隊又會略略講下第二日嘅活動。跟住？坐喺船尾客廳，吹陣海風，吹陣水，又係時間上房喇。
早尐抖，聽日再踩過。
No comments:
Post a Comment