Turkey and Balkans Trip (7)
2015.05.22 Pamukkele back to Istanbul
早起身難唔到我，四點半已經攪掂晒，今日同架十四座講拜拜，佢要用八個钟車返伊斯坦堡，我哋唔使一個鐘就飛到。返酒店擺低行李後，就出發漫遊舊城。Ibro 佢都係帶住我喺皇宮、藍清真寺一帶行一個匝，呢尐地方我都去過晒，不過係冇入場。佢帶住我行一個圈都係好嘅，起碼每個景點，佢都略作介紹，到我哋自己再去時，就心裏有數。
跟住去埋大街市同埋香料市場。大街市 Grand Bazaar 係世界最早嘅有蓋街市之一，早喺鄂圖曼佔領君士坦丁堡冇耐就興建。而家，裏面有三千個鋪頭做緊生意，每日可吸引四十萬人遊覽購物。我哋喺大街市附近已經感受到人群嘅壓力，行到入去，更加不得了，令我回憶起我細路仔時期，行羅素街嗰種肩摩踵接嘅盛況。街市賣嘅都係普羅市民嘅日常用品，係貨真價實嘅街市一個。呢個古城，千百年來，都係各方旅客聚頭嘅地方，專賣畀遊客嘅檔口，當然亦唔少。
大街市不遠，就係香料市場 Spice Bazaar，其實街市裏頭都係大同小異，不過就買香料多尐。呢尐鋪頭，其實除咗真係調味香料外，亦賣好多花茶、果茶，又有各種果仁製成嘅甜品小零食。唔睇唔知，呢度尐果仁，一尐都唔平，唔好以為只係花生（ it's only peanut），我都完全買唔落手。
好似蟻躝咁慢行完兩個街市，約好晚餐時間後，全隊人就喺 Yeni Cami 清真寺前解散。我自己就沿返舊路，自己一個人行返去皇宮區，呢一區我已經行到熟晒，除咗因為我已經行過好幾次外，伊斯坦堡嘅電車路架空電䌫，同電車站，亦幫你認路。
喺伊斯坦堡行街，你會見到隔冇遠，就有牆邊水喉，不過，而家嘅水喉水唔可以飲，只用嚟洗嘢。但係舊時，呢尐地方唔係水喉，而係出水口，就叫噴泉 fountain ，而且真係要嚟飲用。水，對於一個城市嚟講，梗係好緊要。古羅馬城市都有貯水嘅地方，遠至君士坦丁堡時代，呢度已經有幾千個地下水庫，而以皇宮區呢個 The Basilica Cistern 最大，我今日就要入去睇。
平時打晒蛇餅，好彩，而家唔太差，不過都係一條唔短嘅長龍。我排排下，有人叫 「English guided tour for 30 Lira」。殺你，入場費都二十里拉。睇嚟，呢個都係合法打尖嘅一個方法。因為畀多咗少少錢，散客就變成旅行團，可以排快隊，「雀」一聲就入咗去。呢個「導遊」拉埋我地三個人一邊，係咁意就用咗十分鐘講解一下，就解散喇。咁，其中工作人員同呢個「導遊」有冇 la lung ，就不得而知喇。
地下水庫梗係陰陰濕濕，不時有滴水空曠嘅回聲，加埋幽暗的嘅燈光，其實都幾陰森。不過到處都係人，乜嘢陰森氣氛都冇晒喇。咁大嘅地下空間，用咗 336 支雲石柱撐住個頂。咁，又去邊度搵咁多柱？最經濟就係用倒冧咗，或者拆出嚟嘅舊拄，循環再用。咁樣搵返嚟嘅柱，當然唔可以條條一樣長，咁就要加嚿石墊高，至橕得住個頂。最經典嘅就係水庫盡頭有兩條柱，分別用咗兩嚿，雕刻咗女妖梅杜莎 Medusa 個頭嘅大方石做墊石。奇怪就在於兩個人頭石，一個係180度打橫咗，一個仲 360 度調轉咗?￣ﾀﾂ究竟點解要咁做？既然唔知原因，咁就估吓啦：女妖梅杜莎，最為人知嘅，就係佢嘅頭髪係好多條毒蛇。佢嘅眼神有毒咒，邊個直望佢雙眼，就會變成石頭。所以工匠將佢調轉擺，魔咒就可以解除嘞⋯⋯。咁講，係咪真呢？其實亦有可能只係：因為調轉成咁，至墊得到條柱嘅高度啱啱好 ⋯⋯。大家諗多咗嘞。
第二站，行去皇宮側邊嘅歷史博物館。如果諗住去好多博物館嘅話，可以考慮買一張套票，85里拉，可以入幾個館，五日內有效，我都買咗一張，因為第五日，我剛好返返嚟伊斯坦堡。
呢個考古博物館，主要介紹兩河流域、美索畢特米亞，古人類文明史，個館唔係好大，展出好多實物。我入館時已經接近收館時間。想買個電子導遊都買唔到，一條冷自己睇，睇完，帶住好多個問號走返出嚟。睇埋隔籬嗰個瓷磚博物館 Tile Museum 。土耳其人鍾意瓷磚，以藍色青花圖案為主，多數清真寺裏面嘅裝飾，都係用瓷磚鋪砌而成。不過我睇到，手工又真係粗糙咗尐，磚縫時大時細，又經常對唔到花⋯⋯。我係咪太荷求呢？
睇完再行多陣，已經又六點幾，冲個涼一齊外出，今晚個團最後一齊食餐。唉！緣聚緣散，本是常情，有尐短尐，例如今次七日土耳其；有尐長尐，一生一世，又如何。無論長短，緣盡就散，that's life 。真唏噓。食罷返到大堂，大家握手，擁抱話別。
精彩土耳其之旅，仲未結束，我自己仲有六日喺呢度。瞓個好覺，聽日六點半有人嚟接我。
伊斯坦堡別過萍水相逢之友
早起身難唔到我，四點半已經攪掂晒，今日同架十四座講拜拜，佢要用八個钟車返伊斯坦堡，我哋唔使一個鐘就飛到。返酒店擺低行李後，就出發漫遊舊城。Ibro 佢都係帶住我喺皇宮、藍清真寺一帶行一個匝，呢尐地方我都去過晒，不過係冇入場。佢帶住我行一個圈都係好嘅，起碼每個景點，佢都略作介紹，到我哋自己再去時，就心裏有數。
跟住去埋大街市同埋香料市場。大街市 Grand Bazaar 係世界最早嘅有蓋街市之一，早喺鄂圖曼佔領君士坦丁堡冇耐就興建。而家，裏面有三千個鋪頭做緊生意，每日可吸引四十萬人遊覽購物。我哋喺大街市附近已經感受到人群嘅壓力，行到入去，更加不得了，令我回憶起我細路仔時期，行羅素街嗰種肩摩踵接嘅盛況。街市賣嘅都係普羅市民嘅日常用品，係貨真價實嘅街市一個。呢個古城，千百年來，都係各方旅客聚頭嘅地方，專賣畀遊客嘅檔口，當然亦唔少。
大街市不遠，就係香料市場 Spice Bazaar，其實街市裏頭都係大同小異，不過就買香料多尐。呢尐鋪頭，其實除咗真係調味香料外，亦賣好多花茶、果茶，又有各種果仁製成嘅甜品小零食。唔睇唔知，呢度尐果仁，一尐都唔平，唔好以為只係花生（ it's only peanut），我都完全買唔落手。
好似蟻躝咁慢行完兩個街市，約好晚餐時間後，全隊人就喺 Yeni Cami 清真寺前解散。我自己就沿返舊路，自己一個人行返去皇宮區，呢一區我已經行到熟晒，除咗因為我已經行過好幾次外，伊斯坦堡嘅電車路架空電䌫，同電車站，亦幫你認路。
喺伊斯坦堡行街，你會見到隔冇遠，就有牆邊水喉，不過，而家嘅水喉水唔可以飲，只用嚟洗嘢。但係舊時，呢尐地方唔係水喉，而係出水口，就叫噴泉 fountain ，而且真係要嚟飲用。水，對於一個城市嚟講，梗係好緊要。古羅馬城市都有貯水嘅地方，遠至君士坦丁堡時代，呢度已經有幾千個地下水庫，而以皇宮區呢個 The Basilica Cistern 最大，我今日就要入去睇。
平時打晒蛇餅，好彩，而家唔太差，不過都係一條唔短嘅長龍。我排排下，有人叫 「English guided tour for 30 Lira」。殺你，入場費都二十里拉。睇嚟，呢個都係合法打尖嘅一個方法。因為畀多咗少少錢，散客就變成旅行團，可以排快隊，「雀」一聲就入咗去。呢個「導遊」拉埋我地三個人一邊，係咁意就用咗十分鐘講解一下，就解散喇。咁，其中工作人員同呢個「導遊」有冇 la lung ，就不得而知喇。
地下水庫梗係陰陰濕濕，不時有滴水空曠嘅回聲，加埋幽暗的嘅燈光，其實都幾陰森。不過到處都係人，乜嘢陰森氣氛都冇晒喇。咁大嘅地下空間，用咗 336 支雲石柱撐住個頂。咁，又去邊度搵咁多柱？最經濟就係用倒冧咗，或者拆出嚟嘅舊拄，循環再用。咁樣搵返嚟嘅柱，當然唔可以條條一樣長，咁就要加嚿石墊高，至橕得住個頂。最經典嘅就係水庫盡頭有兩條柱，分別用咗兩嚿，雕刻咗女妖梅杜莎 Medusa 個頭嘅大方石做墊石。奇怪就在於兩個人頭石，一個係180度打橫咗，一個仲 360 度調轉咗?￣ﾀﾂ究竟點解要咁做？既然唔知原因，咁就估吓啦：女妖梅杜莎，最為人知嘅，就係佢嘅頭髪係好多條毒蛇。佢嘅眼神有毒咒，邊個直望佢雙眼，就會變成石頭。所以工匠將佢調轉擺，魔咒就可以解除嘞⋯⋯。咁講，係咪真呢？其實亦有可能只係：因為調轉成咁，至墊得到條柱嘅高度啱啱好 ⋯⋯。大家諗多咗嘞。
第二站，行去皇宮側邊嘅歷史博物館。如果諗住去好多博物館嘅話，可以考慮買一張套票，85里拉，可以入幾個館，五日內有效，我都買咗一張，因為第五日，我剛好返返嚟伊斯坦堡。
呢個考古博物館，主要介紹兩河流域、美索畢特米亞，古人類文明史，個館唔係好大，展出好多實物。我入館時已經接近收館時間。想買個電子導遊都買唔到，一條冷自己睇，睇完，帶住好多個問號走返出嚟。睇埋隔籬嗰個瓷磚博物館 Tile Museum 。土耳其人鍾意瓷磚，以藍色青花圖案為主，多數清真寺裏面嘅裝飾，都係用瓷磚鋪砌而成。不過我睇到，手工又真係粗糙咗尐，磚縫時大時細，又經常對唔到花⋯⋯。我係咪太荷求呢？
睇完再行多陣，已經又六點幾，冲個涼一齊外出，今晚個團最後一齊食餐。唉！緣聚緣散，本是常情，有尐短尐，例如今次七日土耳其；有尐長尐，一生一世，又如何。無論長短，緣盡就散，that's life 。真唏噓。食罷返到大堂，大家握手，擁抱話別。
精彩土耳其之旅，仲未結束，我自己仲有六日喺呢度。瞓個好覺，聽日六點半有人嚟接我。
嚤囉
No comments:
Post a Comment