Turkey and Balkans Trip (12)
2015.05.27 Black Sea
黑海小漁村，一日悠遊游
今次呢個行程，除咗要睇一戰歷史外，橫掂咁近黑海，梗係順路遊佢一遊，所以初嚟伊斯坦堡第一日，就已經訂咗一個黑海遊，我懶到飛起，都冇乜認真睇過行程，總之，又何以去到黑海，又可以游到水就搞掂嘞。
約咗八點半嚟旅館接，我執好晒嘢，八點未夠就落櫃枱，諗住8點15分前，食晒嘢等出發。犀利嘞，八點十分，我咬緊塊番茄之際，司機入嚟接，好少何會早到。三分鐘內，將所有嘢塞晒入口，我一路吞落肚，一路走去架小巴，出發喇。呢尐一日團，都用好多時間四圍兜，去唔同酒店接人，朝早又塞車，用咗成粒幾鐘至接齊客人。今日團友十全十美，共10人，出發黑海。
小巴過咗 Golden Horn 金角河，經過伊斯坦堡嘅河北部份，利用第二條鐵索橋 Faith Sultan Mehmet 吊橋東渡小亞細亞，再一路向北行就到達黑海，即係話，呢次嘅一日行程，係遊覽黑海嘅亞洲海岸。咦，咁歐洲嗰邊呢？又要搵個機會去遊一遊喎。
沿途經過好多發展緊嘅地方，住宅、建築物、公路，都有工程進行緊。經濟發展，全世界都如是。車前面出現一片海洋，「邊度」？我問。「咪係黑海囉」。原來話咁快就沿住黑海行。小巴轉入小路，停咗喺一條小街前。原來第一個點 Sile 小鎮，已經到咗 。沿僻靜橫街，行過近二百年燈塔。燈塔起喺山咀高地 Cape Sile，當所有人都睇到燈塔嘅同時，呢度一定係最佳嘅觀景點。
欄桿外就係海邊懸崖，向北望就係一望無無際嘅黑海，可能天氣都唔係咁好，海天相連處都係一片灰濛濛，連海角弧型嘅盡頭都見唔到，真係海天一色，萬化冥合。一個天涯一個海角，相距何止萬里，本不相干，如今合二為一，難分彼此。就如塵世緣份嘅恩恩怨怨，其間離離合合，豈有二至？
極目北望，雖然乜都睇唔到，地理知識話我知，嗰度就係克里米亞、烏克蘭、俄羅斯。國際關係千變萬化，曾經係兄弟之邦，而家反目成仇，兵戎相見。今時今日，克理米亞，妾身誰屬？邊個預料得到。18XX年，大英、鄂圖曼兩大帝國聯手，就喺黑海對岸，同俄國打咗一場罪惡之戰， The Crimean War 。打仗梗係死得人多，藍丁格爾就喺前線設醫療站，因此大大降低傷兵死亡率，呢場仗亦因此造就藍丁格爾成為護士之母。
百年前，英、鄂又喺加里波利戰場以命相搏。到如今，又好似已經放下前嫌 ⋯⋯。歷史恩怨，民族情仇，是敵是友，就好似今日灰濛濛嘅天涯海角，邊有人可以睇透？
參加一日團嘅，好多閒雲野鶴，活動時，大家都保持適當距離，以免打搞他人。司機放低咗我哋，大家即刻自動波，各自搵食，尋找靚景影相去也。原來 Sile ，土話就係蟹鉗，其實就係形容，呢個海灣兩端伸出嘅兩個山咀，地形就好似蟹鉗一樣。大家各自己喺懸崖邊，爬高爬低，影相睇景，總之跌唔死就OK喇。
呢個係黑海第一個見面禮，小巴而家沿黑海岸邊東行，大約半個鐘車程就到今日嘅目的地 Agva 漁村。阿姑嘩？唔知係唔係好多靚姑嘅呢？Agva 村前就係一個長沙灘，兩條河由山上，喺村嘅一左一右，流入黑海。左邊嘅 Goksu 河，會先流入沙灘，再流入海，船係唔可以用呢條河進出黑海。出口雖然被阻，但河道都幾深，一般坐十幾廿人嘅小型觀光電船仔喺河道道行走，遊刃有餘。
我哋由西邊入村，沿 Goksu 河東岸一路行，河邊平房前都係餐廳、小旅館嘅招牌。小巴泊喺路邊，大家落車向西行十幾米就係堤岸喇。河面晤夠二十米闊，兩岸所見都係餐廳，河堤岸咁靚景，梗係整整齊齊，擺咗一行又一行嘅餐枱。每間餐廳各自都有劃一，而有特色嘅土耳其餐㭘布，同埋遮風擋雨嘅沙灘遮，客人一睇就知，絕對唔會坐錯隔籬枱。
好嘞，節目開始。觀光電船嚟碼頭仔載我地。天氣唔好，仲飄住粉粉細雨，又濕又滑，個個落船都好小心，因住跣鑊金，仲即刻縮晒入有遮有掩嘅地方。我來自紅土大地，專揀絲濕地方，就坐正船頭，方便影嘢吖嘛。電船仔向沙灘方向駛去，穿過小橋，再無餐廳，再無河堤，兩岸就生滿高過人嘅蘆葦。船頭喺豆皮河面劃出兩道水紋，向兩岸散去，蘆葦跟住水紋搖擺，打擾咗幾隻蘆葦叢中水鳥嘅平靜。「呱呱呱！乜誰？一早搞住晒！呱呱呱！」佢哋一路飛，一路抗議。
十零分鐘路程，就見到沙灘，對出就係黑海。而家正值退潮時間，沙灘就係河嘅盡頭，河水海水，就喺沙灘底交匯，漲則潮入，退則潮出。電船仔亦喺呢度回頭，以為就咁返回原點，原來經過碼頭仔，繼續上游遊。電船仔行咗十幾分鐘，沿河兩岸都係餐廳。而家唔係旺季，十室九空，疏疏落落，可以有一兩枱客人，已經好唔錯。旺季坐滿人時，一定好虛冚。
有尐餐廳仲係小旅館，房間窗口向住 Goksu 河，晚上聽蟲叫，早上水鳥叫醒你，哈，好浪漫喎。不過仲有，電船仔摩打聲，後生仔女，食肆飲到半夜嘅調笑聲 ⋯⋯，咁，幾時至有得瞓呢？
呢個電船仔遊覽節目，果然落足料。講真，呢條水道真係好靚，平靜又咁靚就好，如果太多人，又未必好理想。
咁靚餐廳，點可以錯過。節目二，河畔海鮮餐。間餐廳喺大街對岸，有浮亭用粗繩穿過，連住兩岸，工人拉住粗繩，浮亭就可以接載食客穿梭兩岸之間，道理就好似大澳用繩拉郁舢舨一樣。坐喺浮亭，個個爭住幫手拉繩，呢個亦係附加節目。
一路都飄住雨粉，唔係大，但係室外尐枱枱櫈櫈都濕晒。好彩，坐喺裏面都唔太差，每張枱都有窗口，邊食邊睇雨景，認真悠閒，一樂也。
講開食嘢，拉開講一筆。我成日話自己對食物冇乜要求，以前，我真係信我自己係咁。慢慢發覺，原來啱啱相反，咪怪我老鼠跌落天秤，因為蔣家家廚，對廚藝執着，所以，我就係食得好嘢多，除卻巫山不是雲，出邊嘅食肆，從來未令我心動過，既然係咁，從來未有過期望，又何來失望？所以，每次出外食嘢，我都覺得 OK，唔係話好食，而係結果已喺預期之中。哀莫大於心死，既然死心，就釋懷，就放下，心情就輕鬆。真吊詭，真恐怖，冇心肝嘅人，冷漠嘅人，可能係活得最舒適嘅人。「係咁嘅喇，唔係咩？可以點啫？算罷喇 ⋯⋯」。乜嘢都唔上心，又點會傷心？
蔣家之煮對食物執著，對人、對事，又何嘗放鬆過？執著？放下？究竟界綫喺邊？安有能辨之者？
其實我想講食物，頭先講多咗，而家講返呢間河邊餐廳仔。呢次食嘅係旅行團包嘅餐，錢又畀咗，財到光棍手，佢畀乜，我食乜，有乜期望？鬼佬食嘢，唔興一齊分食，每人食自己嗰份。今日，先嚟三小碟沙律、黃豆等前菜，唔係乜嘢貴價食材，不過整得用心，好少食到咁好嘅小碟食物。係一個小小嘅驚喜。主菜係燒魚。呢度食魚，如果冇話明係魚塊、 fillet ，就係成條上嘅魚。多數係BBQ燒烤、焗，有時會煎。不過，無論點整，多數過咗龍，即係乾晒又鞋口。今次呢條燒魚恰到好處，保留鮮美肉質，魚腩肥肉，甘甘甜甜，係我食過嘅最好燒魚。一驚再驚，果然抵讃。
咁好嘅一餐晏晝，食完拍拍 pat pat 走人，真過癮。食唔食到好嘢，同你畀幾多錢，唔一定成正比。
餐後小巴車去鎮中心，就喺右邊嗰條 Yesilcay 河嘅出口處。呢個河口水深好多，漁船由黑海返航，可以一直駛入河中小碼頭，方便裝卸。河口連沙灘處有長堤伸出海，將河道同沙灘分隔開，海堤盡頭起咗航海燈，作為晚歸漁民嘅指道明燈。
下午就係自由活動，講低集合時間地點，就各散東西。多數人都係行下海堤，走入小市集閒逛，然後搵間餐廳仔，飲下咖啡、土耳其茶，再唔啱，整多件土耳其甜品、鄂圖曼雪糕⋯⋯等等。
呢尐咁嘅嘢，點可以滿足我？我嚟呢度，就係要游水。攞住傢生，走向沙灘。呢個灘都好長好闊，沙，一尐都唔幼細，仲夾雜細石，要雞咁腳咁行。行到廁所，想話換泳褲，可能唔係泳季，廁所都鎖埋。我睇到。廁所入口處有矮牆，四野又無人。正是：矮牆遮擋好更衣，春光乍洩有誰知。咁又搞掂！
成個沙灘，除咗有四個大男孩踢緊波之外，我就係唯一喺沙灘嘅遊人。裝好攝影設備，跑落沙灘，縱身一跳，我就畀黑海緊緊懷抱住。我向住克里米亞方向，游佢十零廿米，再回頭潛入幾呎深水底。嘩，真係好清，砂石底，晶瑩剔透海水，偶然三三兩兩小魚仔喺身邊遊過，整乜鬼咁靚。咦，大小姐送我嘅 GoPro action cam ，而家又大派用場喇。攞住佢，水底自拍，追住魚仔；動畫又得，硬照又得。得咗。我嘅黑海之游，引到大男孩都落水玩埋一份。係囉，咁樣個沙灘至有生氣㗎嘛。
我同 GoPro 暢游黑海之後，換返衫就埋街喇。阿姑嘩真係一個小小鎮，市集只係兩三條小街，相信全個市鎮每個人都互相認識。我再回頭，行一行長堤，集合回程時間又到喇。小巴返回伊斯坦堡，逐一將客人送返酒店。呢個黑海海岸一日悠遊游，又告一個段落，就喺附近求其搵間嘢開餐算數。
暢游黑海
今次呢個行程，除咗要睇一戰歷史外，橫掂咁近黑海，梗係順路遊佢一遊，所以初嚟伊斯坦堡第一日，就已經訂咗一個黑海遊，我懶到飛起，都冇乜認真睇過行程，總之，又何以去到黑海，又可以游到水就搞掂嘞。
約咗八點半嚟旅館接，我執好晒嘢，八點未夠就落櫃枱，諗住8點15分前，食晒嘢等出發。犀利嘞，八點十分，我咬緊塊番茄之際，司機入嚟接，好少何會早到。三分鐘內，將所有嘢塞晒入口，我一路吞落肚，一路走去架小巴，出發喇。呢尐一日團，都用好多時間四圍兜，去唔同酒店接人，朝早又塞車，用咗成粒幾鐘至接齊客人。今日團友十全十美，共10人，出發黑海。
小巴過咗 Golden Horn 金角河，經過伊斯坦堡嘅河北部份，利用第二條鐵索橋 Faith Sultan Mehmet 吊橋東渡小亞細亞，再一路向北行就到達黑海，即係話，呢次嘅一日行程，係遊覽黑海嘅亞洲海岸。咦，咁歐洲嗰邊呢？又要搵個機會去遊一遊喎。
沿途經過好多發展緊嘅地方，住宅、建築物、公路，都有工程進行緊。經濟發展，全世界都如是。車前面出現一片海洋，「邊度」？我問。「咪係黑海囉」。原來話咁快就沿住黑海行。小巴轉入小路，停咗喺一條小街前。原來第一個點 Sile 小鎮，已經到咗 。沿僻靜橫街，行過近二百年燈塔。燈塔起喺山咀高地 Cape Sile，當所有人都睇到燈塔嘅同時，呢度一定係最佳嘅觀景點。
欄桿外就係海邊懸崖，向北望就係一望無無際嘅黑海，可能天氣都唔係咁好，海天相連處都係一片灰濛濛，連海角弧型嘅盡頭都見唔到，真係海天一色，萬化冥合。一個天涯一個海角，相距何止萬里，本不相干，如今合二為一，難分彼此。就如塵世緣份嘅恩恩怨怨，其間離離合合，豈有二至？
極目北望，雖然乜都睇唔到，地理知識話我知，嗰度就係克里米亞、烏克蘭、俄羅斯。國際關係千變萬化，曾經係兄弟之邦，而家反目成仇，兵戎相見。今時今日，克理米亞，妾身誰屬？邊個預料得到。18XX年，大英、鄂圖曼兩大帝國聯手，就喺黑海對岸，同俄國打咗一場罪惡之戰， The Crimean War 。打仗梗係死得人多，藍丁格爾就喺前線設醫療站，因此大大降低傷兵死亡率，呢場仗亦因此造就藍丁格爾成為護士之母。
百年前，英、鄂又喺加里波利戰場以命相搏。到如今，又好似已經放下前嫌 ⋯⋯。歷史恩怨，民族情仇，是敵是友，就好似今日灰濛濛嘅天涯海角，邊有人可以睇透？
參加一日團嘅，好多閒雲野鶴，活動時，大家都保持適當距離，以免打搞他人。司機放低咗我哋，大家即刻自動波，各自搵食，尋找靚景影相去也。原來 Sile ，土話就係蟹鉗，其實就係形容，呢個海灣兩端伸出嘅兩個山咀，地形就好似蟹鉗一樣。大家各自己喺懸崖邊，爬高爬低，影相睇景，總之跌唔死就OK喇。
呢個係黑海第一個見面禮，小巴而家沿黑海岸邊東行，大約半個鐘車程就到今日嘅目的地 Agva 漁村。阿姑嘩？唔知係唔係好多靚姑嘅呢？Agva 村前就係一個長沙灘，兩條河由山上，喺村嘅一左一右，流入黑海。左邊嘅 Goksu 河，會先流入沙灘，再流入海，船係唔可以用呢條河進出黑海。出口雖然被阻，但河道都幾深，一般坐十幾廿人嘅小型觀光電船仔喺河道道行走，遊刃有餘。
我哋由西邊入村，沿 Goksu 河東岸一路行，河邊平房前都係餐廳、小旅館嘅招牌。小巴泊喺路邊，大家落車向西行十幾米就係堤岸喇。河面晤夠二十米闊，兩岸所見都係餐廳，河堤岸咁靚景，梗係整整齊齊，擺咗一行又一行嘅餐枱。每間餐廳各自都有劃一，而有特色嘅土耳其餐㭘布，同埋遮風擋雨嘅沙灘遮，客人一睇就知，絕對唔會坐錯隔籬枱。
好嘞，節目開始。觀光電船嚟碼頭仔載我地。天氣唔好，仲飄住粉粉細雨，又濕又滑，個個落船都好小心，因住跣鑊金，仲即刻縮晒入有遮有掩嘅地方。我來自紅土大地，專揀絲濕地方，就坐正船頭，方便影嘢吖嘛。電船仔向沙灘方向駛去，穿過小橋，再無餐廳，再無河堤，兩岸就生滿高過人嘅蘆葦。船頭喺豆皮河面劃出兩道水紋，向兩岸散去，蘆葦跟住水紋搖擺，打擾咗幾隻蘆葦叢中水鳥嘅平靜。「呱呱呱！乜誰？一早搞住晒！呱呱呱！」佢哋一路飛，一路抗議。
十零分鐘路程，就見到沙灘，對出就係黑海。而家正值退潮時間，沙灘就係河嘅盡頭，河水海水，就喺沙灘底交匯，漲則潮入，退則潮出。電船仔亦喺呢度回頭，以為就咁返回原點，原來經過碼頭仔，繼續上游遊。電船仔行咗十幾分鐘，沿河兩岸都係餐廳。而家唔係旺季，十室九空，疏疏落落，可以有一兩枱客人，已經好唔錯。旺季坐滿人時，一定好虛冚。
有尐餐廳仲係小旅館，房間窗口向住 Goksu 河，晚上聽蟲叫，早上水鳥叫醒你，哈，好浪漫喎。不過仲有，電船仔摩打聲，後生仔女，食肆飲到半夜嘅調笑聲 ⋯⋯，咁，幾時至有得瞓呢？
呢個電船仔遊覽節目，果然落足料。講真，呢條水道真係好靚，平靜又咁靚就好，如果太多人，又未必好理想。
咁靚餐廳，點可以錯過。節目二，河畔海鮮餐。間餐廳喺大街對岸，有浮亭用粗繩穿過，連住兩岸，工人拉住粗繩，浮亭就可以接載食客穿梭兩岸之間，道理就好似大澳用繩拉郁舢舨一樣。坐喺浮亭，個個爭住幫手拉繩，呢個亦係附加節目。
一路都飄住雨粉，唔係大，但係室外尐枱枱櫈櫈都濕晒。好彩，坐喺裏面都唔太差，每張枱都有窗口，邊食邊睇雨景，認真悠閒，一樂也。
講開食嘢，拉開講一筆。我成日話自己對食物冇乜要求，以前，我真係信我自己係咁。慢慢發覺，原來啱啱相反，咪怪我老鼠跌落天秤，因為蔣家家廚，對廚藝執着，所以，我就係食得好嘢多，除卻巫山不是雲，出邊嘅食肆，從來未令我心動過，既然係咁，從來未有過期望，又何來失望？所以，每次出外食嘢，我都覺得 OK，唔係話好食，而係結果已喺預期之中。哀莫大於心死，既然死心，就釋懷，就放下，心情就輕鬆。真吊詭，真恐怖，冇心肝嘅人，冷漠嘅人，可能係活得最舒適嘅人。「係咁嘅喇，唔係咩？可以點啫？算罷喇 ⋯⋯」。乜嘢都唔上心，又點會傷心？
蔣家之煮對食物執著，對人、對事，又何嘗放鬆過？執著？放下？究竟界綫喺邊？安有能辨之者？
其實我想講食物，頭先講多咗，而家講返呢間河邊餐廳仔。呢次食嘅係旅行團包嘅餐，錢又畀咗，財到光棍手，佢畀乜，我食乜，有乜期望？鬼佬食嘢，唔興一齊分食，每人食自己嗰份。今日，先嚟三小碟沙律、黃豆等前菜，唔係乜嘢貴價食材，不過整得用心，好少食到咁好嘅小碟食物。係一個小小嘅驚喜。主菜係燒魚。呢度食魚，如果冇話明係魚塊、 fillet ，就係成條上嘅魚。多數係BBQ燒烤、焗，有時會煎。不過，無論點整，多數過咗龍，即係乾晒又鞋口。今次呢條燒魚恰到好處，保留鮮美肉質，魚腩肥肉，甘甘甜甜，係我食過嘅最好燒魚。一驚再驚，果然抵讃。
咁好嘅一餐晏晝，食完拍拍 pat pat 走人，真過癮。食唔食到好嘢，同你畀幾多錢，唔一定成正比。
餐後小巴車去鎮中心，就喺右邊嗰條 Yesilcay 河嘅出口處。呢個河口水深好多，漁船由黑海返航，可以一直駛入河中小碼頭，方便裝卸。河口連沙灘處有長堤伸出海，將河道同沙灘分隔開，海堤盡頭起咗航海燈，作為晚歸漁民嘅指道明燈。
下午就係自由活動，講低集合時間地點，就各散東西。多數人都係行下海堤，走入小市集閒逛，然後搵間餐廳仔，飲下咖啡、土耳其茶，再唔啱，整多件土耳其甜品、鄂圖曼雪糕⋯⋯等等。
呢尐咁嘅嘢，點可以滿足我？我嚟呢度，就係要游水。攞住傢生，走向沙灘。呢個灘都好長好闊，沙，一尐都唔幼細，仲夾雜細石，要雞咁腳咁行。行到廁所，想話換泳褲，可能唔係泳季，廁所都鎖埋。我睇到。廁所入口處有矮牆，四野又無人。正是：矮牆遮擋好更衣，春光乍洩有誰知。咁又搞掂！
成個沙灘，除咗有四個大男孩踢緊波之外，我就係唯一喺沙灘嘅遊人。裝好攝影設備，跑落沙灘，縱身一跳，我就畀黑海緊緊懷抱住。我向住克里米亞方向，游佢十零廿米，再回頭潛入幾呎深水底。嘩，真係好清，砂石底，晶瑩剔透海水，偶然三三兩兩小魚仔喺身邊遊過，整乜鬼咁靚。咦，大小姐送我嘅 GoPro action cam ，而家又大派用場喇。攞住佢，水底自拍，追住魚仔；動畫又得，硬照又得。得咗。我嘅黑海之游，引到大男孩都落水玩埋一份。係囉，咁樣個沙灘至有生氣㗎嘛。
我同 GoPro 暢游黑海之後，換返衫就埋街喇。阿姑嘩真係一個小小鎮，市集只係兩三條小街，相信全個市鎮每個人都互相認識。我再回頭，行一行長堤，集合回程時間又到喇。小巴返回伊斯坦堡，逐一將客人送返酒店。呢個黑海海岸一日悠遊游，又告一個段落，就喺附近求其搵間嘢開餐算數。
No comments:
Post a Comment