Turkey and Balkans Trip (8)
2015.05.23 Istanbul to Gallipoli, again
其實，當初設計去土耳其時，就係想去加里波利。 呢個七日團亦經過加里波利，不過只留半日，行程表列出只係去兩三個北邊戰場，但係我希望可以有大約兩日時間，行勻成個半島。所以喺加里波利訂咗兩晚房。再參加一個一日團，搞掂埋來回伊斯坦堡交通，一舉兩得。
七點唔夠，有小巴嚟接，四圍兜接其他人後，再換大車，正式起程。啱啱遇着剛剛。我訂嘅旅店，同我呢個一日團，係同一間公司。再三打聽，原來聽日有個真正一日團，因為唔使來回伊斯坦堡。一日，就真係全日都係遊覽時間。咁仲使考慮咩，今日個團換聽日嗰個，加錢搞掂喇。
馬上 check in，即刻出街玩。呢一區，喺我第二日喺土耳其時，已經嚟過，毫無難度，即刻由歐洲 Ecebat 呢邊搭渡輪過亞洲 Canakkele 嗰邊。渡輪實在方便，約半個鐘左右開出一班，即至午夜十二點。好抵搭，三個里拉一程。喂，去一次廁所，都要一個里拉喇。
搭渡輪好舒服，唔使逼喺車廂，黐埋一齊聞臭汗。渡輪空間寬廣，仲有有陽光海風。海鷗亦經常跟住船一齊行，我初初唔明點解，原來經常有人將麪麭搣成一粒粒拋高。海鷗需要高度技巧至食到呢尐麪麭，因為船係行緊，又有海風，麪麭一拋高就唔知會飛去邊，海鷗嘅預見能力非常高，仲要同時打走競爭者⋯⋯。原來搭船，有加映短片送，真有娛樂性。
落船喇，乜咁容易，又返返嚟亞洲！上次嚟 Canakkele 只係食咗個晚餐，同渡宿一宵，而家有機會行下個城。
由海邊走入內街，都係飲嘅食嘅、賣遊客紀念品嘅鋪頭，睇嚟，呢度都係遊客嘅地方。行向南邊海堤盡頭，有個海軍博物館，仲係免費參觀。博物館碼頭停咗一隻炮艇（？），可以排隊上船聽講解，我唔識土話，費事上船。
呢個博物館其實好大，成個公園咁大嘅海濱露天廣場，擺滿各種戰時用過嘅巨型軍械，多數係大大小小唔同種類嘅大炮。有一條巷，專擺水雷。梗係喇，第一次大戰主要就係守護 Bospherous 海峽，英法俄海上霸王，鄂圖曼點夠打，就用水雷陣嚟封鎖海峽，真係炸沉咗唔少英艦。水雷對土耳其人嚟講，係有守土嘅像徵意義。
Canakkele 係 Bospherous 海峽最窄嘅地方，所以渡輪亦喺呢度兩岸。海濱盡頭有座雕堡炮台，握守呢個咽喉地帶。而家嘅雕堡第二層係一個展覽㕔。用土文、英文詳細介紹第一次大戰嘅緣起。當然主要大寫特寫嘅就係 Canakkele 人民守護海峽嘅勇氣，而最突出嘅戰伇，就梗係聯軍攻打加里波利，呢度好詳細講晒成個戰役。
除咗講古仔外，亦配有好多戰時用過嘅日用品、軍服 ⋯⋯ 等等。最震撼嘅係有一個四方透明膠箱，裏面一半裝滿喺戰場上執返嚟，大大小小唔同種類嘅子彈殼。想象下呢八個月，雙方喺呢個半島上，留低幾多彈殼。膠箱上半部，用魚絲吊住一個展品，係一粒子彈射中另一粒子彈，兩粒子彈喺空中溶成一個交义！又想象下，戰場上空子彈橫飛嘅恐佈場景。
一批一批由老師帶住嘅學生，嚟呢度學歷史，學下先祖點樣勇敢去抗擊入侵者，守護家園。
行過舊市場，睇下尋常百姓嘅日常生活，再走去北面海堤，海濱廣場又擺咗隻木馬，提醒大家要去特洛伊古城。話時話，呢隻木馬靚過特洛伊城嗰隻喎，不過上唔到去馬肚，得個睇字喇。
他他條條喺小亞細亞食個日落晚餐，再搭三個里拉渡輪返歐洲！估唔到歐亞兩頭走，原來可以咁方便。
早尐抖，預備聽日：全日古戰場遊蹤。
Canakkele 海軍博物館
其實，當初設計去土耳其時，就係想去加里波利。 呢個七日團亦經過加里波利，不過只留半日，行程表列出只係去兩三個北邊戰場，但係我希望可以有大約兩日時間，行勻成個半島。所以喺加里波利訂咗兩晚房。再參加一個一日團，搞掂埋來回伊斯坦堡交通，一舉兩得。
七點唔夠，有小巴嚟接，四圍兜接其他人後，再換大車，正式起程。啱啱遇着剛剛。我訂嘅旅店，同我呢個一日團，係同一間公司。再三打聽，原來聽日有個真正一日團，因為唔使來回伊斯坦堡。一日，就真係全日都係遊覽時間。咁仲使考慮咩，今日個團換聽日嗰個，加錢搞掂喇。
馬上 check in，即刻出街玩。呢一區，喺我第二日喺土耳其時，已經嚟過，毫無難度，即刻由歐洲 Ecebat 呢邊搭渡輪過亞洲 Canakkele 嗰邊。渡輪實在方便，約半個鐘左右開出一班，即至午夜十二點。好抵搭，三個里拉一程。喂，去一次廁所，都要一個里拉喇。
搭渡輪好舒服，唔使逼喺車廂，黐埋一齊聞臭汗。渡輪空間寬廣，仲有有陽光海風。海鷗亦經常跟住船一齊行，我初初唔明點解，原來經常有人將麪麭搣成一粒粒拋高。海鷗需要高度技巧至食到呢尐麪麭，因為船係行緊，又有海風，麪麭一拋高就唔知會飛去邊，海鷗嘅預見能力非常高，仲要同時打走競爭者⋯⋯。原來搭船，有加映短片送，真有娛樂性。
落船喇，乜咁容易，又返返嚟亞洲！上次嚟 Canakkele 只係食咗個晚餐，同渡宿一宵，而家有機會行下個城。
由海邊走入內街，都係飲嘅食嘅、賣遊客紀念品嘅鋪頭，睇嚟，呢度都係遊客嘅地方。行向南邊海堤盡頭，有個海軍博物館，仲係免費參觀。博物館碼頭停咗一隻炮艇（？），可以排隊上船聽講解，我唔識土話，費事上船。
呢個博物館其實好大，成個公園咁大嘅海濱露天廣場，擺滿各種戰時用過嘅巨型軍械，多數係大大小小唔同種類嘅大炮。有一條巷，專擺水雷。梗係喇，第一次大戰主要就係守護 Bospherous 海峽，英法俄海上霸王，鄂圖曼點夠打，就用水雷陣嚟封鎖海峽，真係炸沉咗唔少英艦。水雷對土耳其人嚟講，係有守土嘅像徵意義。
Canakkele 係 Bospherous 海峽最窄嘅地方，所以渡輪亦喺呢度兩岸。海濱盡頭有座雕堡炮台，握守呢個咽喉地帶。而家嘅雕堡第二層係一個展覽㕔。用土文、英文詳細介紹第一次大戰嘅緣起。當然主要大寫特寫嘅就係 Canakkele 人民守護海峽嘅勇氣，而最突出嘅戰伇，就梗係聯軍攻打加里波利，呢度好詳細講晒成個戰役。
除咗講古仔外，亦配有好多戰時用過嘅日用品、軍服 ⋯⋯ 等等。最震撼嘅係有一個四方透明膠箱，裏面一半裝滿喺戰場上執返嚟，大大小小唔同種類嘅子彈殼。想象下呢八個月，雙方喺呢個半島上，留低幾多彈殼。膠箱上半部，用魚絲吊住一個展品，係一粒子彈射中另一粒子彈，兩粒子彈喺空中溶成一個交义！又想象下，戰場上空子彈橫飛嘅恐佈場景。
一批一批由老師帶住嘅學生，嚟呢度學歷史，學下先祖點樣勇敢去抗擊入侵者，守護家園。
行過舊市場，睇下尋常百姓嘅日常生活，再走去北面海堤，海濱廣場又擺咗隻木馬，提醒大家要去特洛伊古城。話時話，呢隻木馬靚過特洛伊城嗰隻喎，不過上唔到去馬肚，得個睇字喇。
他他條條喺小亞細亞食個日落晚餐，再搭三個里拉渡輪返歐洲！估唔到歐亞兩頭走，原來可以咁方便。
早尐抖，預備聽日：全日古戰場遊蹤。
嚤囉
No comments:
Post a Comment