23 feb Day20Paris – London – Hong Kong
我成日話我喺飛機瞓唔著，昨晚我一定好攰，居然瞓得著！上咗機至記起，我只係著住T shirt and shorts，暖衫都寄晒倉。都帶咗件簿trcak suit。夜晚都冇問題，機上有毡。早上到步巴黎，機長話巴黎有微雨，温度係１度Ｃ！踏上機橋已覺寒意，好彩室內有暖氣，但要搭車轉terminal就寒啲。去到候機室，重有3粒鐘至上機去倫敦。喺Relay shop買咗一個鐘wifi，睇到電郵喇，send返屋企，又比馬仔，希望約到宵夜。再check埋其他，知道活動詳情嘞。4.5歐圓一個鐘。
由巴黎飛倫敦只須一個鐘，到希斯路機場飛香港，等起機就要6小時，飛就要13小時。倫敦機場wifi乞人憎，又冇咭買，一定要同信用咭。我唔比佢賺！都係香港好。
倫敦機塲搜得好嚴，我前面兩男人，每人用咗５分鐘成身摸勻晒，又金屬探測器等等。到我嘞，Ｔ恤短褲，一眼見晒，重有乜好搜？我掂行掂過！
2010起飛。
隔離坐咗個重英國口音人，叫Robert。問起，上一代因戰爭由波蘭移民到英國嘅新移民第二代。佢經常要到中國做生意，呢次亦係去一個trade fair。佢亦見證住中國開放改革廿多年，由貧窮落後，到變成富有嘅大國。世界上冇一個地方可以用咁短時間，作出咁大嘅改變。我當然會提醒佢，呢個改變，香港因素係一個好重要嘅動力。再者極權國家，窮一國之力去完成某項目標，比需要民主程序的國家，自然要快得多。但快就快嘞，不過，如果出錯，亦因為缺乏制衡，而錯得更深，要付出嘅代價亦更大。而佢又認為，中國嘅富有，始終包藏住一啲危機，但，係乜嘢，又講唔出。
到香港喇，即刻去領行李。輸送帶上有告示，只可帶19支煙仔或1支雪茄。好彩我冇帶2支雪茄。順利過関。直返伊利沙伯大廈。見過外父、外母，擺低行李，去蛇王二食咗個蛇羹餐。踩去啊廖屋企，爹到12點幾至返屋企，一覺瞓到大天光。
各位，倫敦、古巴之旅至此可以劃上一個完整句號。我好滿意。
密切留意下一個目標，歡迎提供意見。
我成日話我喺飛機瞓唔著，昨晚我一定好攰，居然瞓得著！上咗機至記起，我只係著住T shirt and shorts，暖衫都寄晒倉。都帶咗件簿trcak suit。夜晚都冇問題，機上有毡。早上到步巴黎，機長話巴黎有微雨，温度係１度Ｃ！踏上機橋已覺寒意，好彩室內有暖氣，但要搭車轉terminal就寒啲。去到候機室，重有3粒鐘至上機去倫敦。喺Relay shop買咗一個鐘wifi，睇到電郵喇，send返屋企，又比馬仔，希望約到宵夜。再check埋其他，知道活動詳情嘞。4.5歐圓一個鐘。
由巴黎飛倫敦只須一個鐘，到希斯路機場飛香港，等起機就要6小時，飛就要13小時。倫敦機場wifi乞人憎，又冇咭買，一定要同信用咭。我唔比佢賺！都係香港好。
倫敦機塲搜得好嚴，我前面兩男人，每人用咗５分鐘成身摸勻晒，又金屬探測器等等。到我嘞，Ｔ恤短褲，一眼見晒，重有乜好搜？我掂行掂過！
2010起飛。
隔離坐咗個重英國口音人，叫Robert。問起，上一代因戰爭由波蘭移民到英國嘅新移民第二代。佢經常要到中國做生意，呢次亦係去一個trade fair。佢亦見證住中國開放改革廿多年，由貧窮落後，到變成富有嘅大國。世界上冇一個地方可以用咁短時間，作出咁大嘅改變。我當然會提醒佢，呢個改變，香港因素係一個好重要嘅動力。再者極權國家，窮一國之力去完成某項目標，比需要民主程序的國家，自然要快得多。但快就快嘞，不過，如果出錯，亦因為缺乏制衡，而錯得更深，要付出嘅代價亦更大。而佢又認為，中國嘅富有，始終包藏住一啲危機，但，係乜嘢，又講唔出。
到香港喇，即刻去領行李。輸送帶上有告示，只可帶19支煙仔或1支雪茄。好彩我冇帶2支雪茄。順利過関。直返伊利沙伯大廈。見過外父、外母，擺低行李，去蛇王二食咗個蛇羹餐。踩去啊廖屋企，爹到12點幾至返屋企，一覺瞓到大天光。
各位，倫敦、古巴之旅至此可以劃上一個完整句號。我好滿意。
密切留意下一個目標，歡迎提供意見。
No comments:
Post a Comment