與旅遊者交流心得
11 feb Day 8- Vinales
今日約咗一架車，送我同荷蘭妹Meta去海灘，今日全日喺呢度晒太陽同游水。呢度對面就喺邁阿美，可能驚人游水游過龍，所以呢度有路障，車上嘅人要撿查証件。再行冇耐又有路障，今次要收錢，每位5cuc，終於到嘞，要成個幾兩個鐘至到。Meta冇同司機講清楚，後來睇地圖至知，本來想去Cayo Levisa 但去錯咗Cayo Jutias。我哋由世界級著名海灘來嘅人，呢個沙灘就完全肥佬。但呢個淺藍色嘅海就好靚喇！重有天色都幾好。
我哋行上沙灘，揾兩張膠沙灘長櫈，成身摔滿太陽油，晒咯喂。晒晒吓，有條友仔嚟收錢，每張櫈收1cuc。呢度乜都要錢。
中午食一餐，全程又貴又難食嘅餐，再晒過。
到3點左右，雲多咗，又起風。跳上車，車駛到路障，雨就開始落，愈落愈大，風愈刮愈大。好彩早啲走。又回想起，如果今日先騎馬就好大劑。
番到casa重早，氣温大跌，可能只有十零度，加上大風，我居然要著褸，好彩我經倫敦，有帶褸。估唔到天氣可以變成咁！
早啲瞓，明天要搭8小畤巴士到千里達Trinidad。
No comments:
Post a Comment