夏灣拿革命廣場，老哲同卡大鬍子嘅像
今朝早餐後Horacio同我商量以後嘅行程。終於決定係咁﹕
Vinvales – Trinidad – Santiago de Cuba – Baracoa - Santa Clara – Hanana – Hongkong
事不宜遲，明天就走。所以今朝有兩件事先辦。
其一，即刻去買巴士票。車站離民宿20分鐘路程，行行吓，居然見到胡志明紀念公園連雕像。當然要影番幾張相。到達車站，又要排隊買飛，搭呢種巴士多數外國人，所以用國際排隊法，即係一個跟住一個咁企係窗口前。古巴有兩間長途巴士公司，一間收MN，本地人至搭得。另一間只收cuc，本來係比外國人，但隨住小部分人富起來後，有米之人亦可用錢買舒服。到我啦，Querria un billete de ida a Vinvales por favor. 然後我將預先寫好嘅資料比埋佢睇，再複什啲我就唔識講喇！而家重用緊古老方去 - 手寫，再攞去隔籬窗揭紀錄確認。ok。
第二單嘢，就係買sim咭，攪掂個手機。唔行啦，搭5cuc的士去到唯一電訊公司。呢度就用古巴方式（据說西班牙都係咁），你見一大堆人分散在各方，有行、有企、有坐，各色其式，當你要加入排隊，就要叫Quien es ultimo?即係問邊個係尾，有人應後，你認住佢，而家你变咗尾。再有人加入叫，你就要應佢嘞yo！咁樣排隊係冇咁拘束。亦冇人敢打尖，因為全條龍都昅實到邊過。如你烏琢琢，到你，你又唔行入去，自然有人踢你入去。今次我都算親身玩過呢個遊戲。終於到我啦，好多人提我。入到去行埋櫃位，又指手劃腳周身郁咁話買sim咭，我演技唔夠，攪佢唔明，佢唯有叫一個識英文嘅人招呼我。呢位啲英文係ok啦嗰隻，總算溝通到，42cuc租14日sim咭，再放150cuc落去，就可通話。打出非常ok，但打入就好難。總算可以隨畤聯絡屋企啦！
觀光去也。由新城區去舊城區，沿23街有條老爺車路綫，冇錯嘞，就係嗰啲4、50年代嘅巨型Ford 或機翼尾嘅Impala車。好似香港坐Van仔一樣，揮手上車，再叫有落，西文點叫？就係ah。比錢落車，幾錢？0.5cuc或10mn。經濟實惠。我喺路線尾站落車，行入舊城區，沿途都播住重嘅古巴音樂，好多餐廳都有live band，沿途好逼人，都離唔開買嘢，食嘢咁。揾一間有樂隊嘅就坐低，叫咗豬扒跟飯、薯片，同一杯mojito。非常relax，非常古巴。
飯後走向街尾，就係軍事廣場。有個舊保壘，而家係航海博物館。直入去，原來要比錢，3cuc，每個展廳都有人把守。入到其中一個，女把守員叫我比相机佢，重教埋我喺邊度影，點擺甫士，如是者影咗4張相。比番机我跟手就話please，我比咗1cuc佢。再經過一小公園，見三人正在彈結他唱歌，以為只係自娛，連忙取出相機，見有人攝影，佢地好開心咁唱歌。影完正要離去，其中一人除帽要錢。我見佢唱得咁落力，比10mn過佢，佢猛話要cuc，我費事啋佢，馬上行開。喺啲窮嘅地區，影細佬仔玩，啊婆坐喺度，啊伯食水煙等，影完佢都追住你要錢，所以要影得低調啲。人窮真係令喪失尊嚴嘅！
沿街行出廣場前，去到海明威成日喺度飲mojito嘅酒吧Floridita，冇人去，睇吓回程時，有機會再去過。
行番出Plaza de Cristo，Lonely planet都有堤及，係喺網上又睇到嘅，就係中華街（古巴唐人街），街名都中英對照。主街 街口有牌坊，向入行，兩邊都係唐餐館，所有侍應都唔係唐人，入便炒緊嗰個係唔喺唐人就真係都唔知嘞。橫街有外牆寫住報館、會所、酒樓嘅建築物，重係唔係咁用就唔知嘞）。
離開唐人街，向海堤轉一轉，太攰啦，而且開始落雨，跳上的士，駛向革命廣場，就係最著名嘅三巨頭像，呈三角形包著個廣場。想上Jose Marti Tower，不過夠鐘收工，又要回頭再睇嘞！
去邊度食飯好呢？赫然見到一架巨型Impala古董車，即刻跳上車，5cuc車我去John Lennon公園嗰間club食意大利餐。
回casa，執拾好，準備明天出發去Vinales.
No comments:
Post a Comment